Adi Gipuzkoako txikizio berriari: Donostialdea-Bidasoa Beheko Zatikako Lurralde Plana

  • Donostialdea-Bidasoa Beheko Zatikako Lurralde Planak (ZLP) eragindako udalerrietako hainbat taldek Plan hori bertan behera uztea eskatu dute. 13 udalerriri eragiten die, Irundik hasi eta Usurbil, Lasarte eta Andoaineraino hedatzen den eremuan.

Pello Zubiria Kamino @pellozubiria
2015eko azaroaren 13a
LZPren aurkako mobilizazioa Gipuzkoako Foru Aldundiaren atarian. (Argazkia: Ekologistak Martxan)

Ondorengo hamarkadetan Gipuzkoako kostaldeko lurraldearen antolamendu osoa baldintzatuko duen plana da hilabeteotan Eusko Jaurlaritza bultzatzen ari dena. Herritar eta elkarteei alegazioak aurkezteko epea igandean, azaroaren 15ean, amaitzen zaie.

Zatikako Lurralde Planak (ZLP) zuzenean 13 udalerriri eragiten die, Irundik hasi eta Usurbil, Lasarte eta Andoainera hedatzen da barne hartzen duen lurraldea.

Herritarrengandik oposizio garrantzitsua piztu duten hainbat egitasmo jasotzen ditu bere baitan: Andoainen Sorbabillatik Bazkardora N-1 autobidearen trazaketa berria, Zubietako errauskailua, Abiadura Handiko Trena, Auditz-Akularreko egitasmo urbanistikoa, Donostiako hiri-erdialdetik Metroa eraikitzeko proiektua, eta abar.

Horrekin batera, gaztelaniazko siglekin ezagunagoa den PTPak Lezo-Gaintxurizketan, Zubietamendin, Irunen eta Urumea bailaran estrategikotzat ematen dituen eremuetan, lurralde okupazio bortitza dakarten poligono logistiko erraldoiak, ekipamendu handiak, azpiegiturak eta eraldakuntza urbanisitiko latzak ahalibidetzen dituzten udalez gaindiko planak ezarri nahi ditu.

Ekologistak Martxan elkarteak Donostialdea-Bidasoa Beheko PTP-ZLPren aurrean antolatzen agirian zehaztu ditu planak leku bakoitzean egingo dituen esku hartzeak.

Esaterako, guztira 1.300 hektarea baino gehiago suntsitzea planifikatzen du LZP-PTP honek, etxe berriak eraikitzeko, garraio azpiegitura erraldoiak egiteko, jarduera ekonomiko kutsatzaileak indartzeko.

Errauskailu, autopista, AHT eta beste azpiegiturez gain, 24.000 etxebizitza berri eraikitzea aurreikusten du planak, horietatik 15.000 Urumea ibarrean, Donostiatik Hernanirainoko korridorean, azken urteotan behin eta berriro urek itotzen dituzten erriberetan. 3.000 milioi euroko inbertsioak ere aurreikusten ditu.

Eskualdeko hainbat elkarte eta pertsonak ZLP bertan behera uzteko deia egin dute, oroitaraziz gaia Jaurlaritzak abian jarri ostean 2011an 20.000 alegazio aurkeztu zitzaizkiola planari eta Jaurlaritzak ez ziela jaramonik egin.

Kanal hauetan artxibatua: Hirigintza  |  Gipuzkoako politika  |  Lobbyak

Hirigintza kanaletik interesatuko zaizu...
2018-01-17 | ARGIA
Irregulartasunak ikusita, Donostiako Parte Zaharreko hotel baten lizentzia errekurrituko du EH Bilduk

Donostiako Udalak Parte Zaharreko Kale Nagusian hotel bat egiteko eman duen lizentzian irregulartasunak daudela uste du EH Bilduk.


2018-01-10 | Miren Osa Galdona
Babestutako eliza bat hondatu dute hotel bat eraikitzeko lanetan Donostian

Donostiako Antigua eta Easo auzoen arteko muinoan dago San Bartolome auzoa. Lau izarreko hotel bat eraikitzen ari dira bertan, babestuta dagoen auzoko elizaren ondoan. Bada, obrek elizaren alde bateko pareta eraitsi dute nahiz eta udalak onartutako lizentziak argi uzten duen babestutako eremua dela, “ukiezina” beraz. Hirigintzako zinegotziak enpresa eraikitzailea egin du erantzule eta “jokaera klandestinoa” izan dela esan du.


2018-01-10 | Erran .eus
Lekarozko proiektu urbanistikoaren birzatiketa plana errekurrituko du Baztango Batzar Nagusiak

Urtarrilaren 2an egin zen ohiko Batzar Nagusian, Baztango batzarkideen gehiengoak onartu zuen Lekarozko Aroztegiko Udalez gaindiko Plan Sektorialaren birzatiketa plana errekurritzea, plan honek ez baitu izan legeak eskatzen duen bezala Aroztegi inguruko lurjabe guztien sinadurarik edo oniritzirik.


Iņaki Larraņaga omenduko du Siadecok, elkartearen 50. urteurrenean

Siadeco soziologi elkarteak 50. urteurrena ospatuko du Donostian abenduaren 15ean, ostirala. Tartean omenduko ditu enpresaren sortzailea eta euskal soziolinguistikan aitzindari den Iñaki Larrañaga eta oraindik hizkuntz normalizazio aferetan hainbestetan aipatzen den Jose Maria Sanchez Carrion Txepetx.


"Lapurdi kostaldean hirigintza ereduak hizkuntza politikak baino askoz eragin handiagoa du"

Eneko Gorri (Angelu, 1983) euskaltzale militante izateaz gain Biarrizko Herriko Etxeko euskara teknikaria da. Lapurdi kostaldeko hirigintza ereduak euskal hiztunen bilakabidean duen eragin handiaz ohartarazi nahi izan gaitu: “Biarritzek hamarrez biderkatuko balu ere euskarari ematen dion aurrekontua ez luke eragin handia izango hemendik 50 edo 100 urtera”. Jendarte ereduak eredu, euskaltzale-izokinak ur xaloagoetara iritsiko direla sinesten du.


"Houstonen 'Harvey'k eragindako uholdeena hiri diseinu arazo bat da"

The Atlantic hedabidean Ian Bogostek hainbat adituren iritziak bilduz dio Houstongo uholdeak, hiri handietan gero eta usuago gertatzen diren besteak bezala, ekaitzak ekarri dien ur kopuru handiaren ondorioz baino gehiago gertatzen direla hiriek bere eraikuntza moduagatik urak ahalik eta arinen kanporatu nahiagatik. Ian Bogost Georgiako Teknologia Institutuan irakasle da eta publikatu duen azken liburua du Play Anything. Bere "Houston's Flood Is a Design Problem" artikuluaren... [+]


2017-08-02 | Xalba Ramirez
Donostiako Arroka kaleko frontoia eraitsi du Udalak

Amara auzoko frontoi enblematikoa eraisteari ekin dio Donostiako Udalak, hirigintza planean aldaketak egin ostean. Bizilagun elkarteen protesta zela eta galdeketa egin zuten joan den martxoan baina frontoia botatzearen alde agertu zen bozka eskubidea zuten bizilagunen gehiengoa.


2017-07-03 | Estitxu Eizagirre
Aņorga: 2.000 biztanleko auzoa multinazionalen jo-puntuan

Mc Donalds egun batzuetarako itxi izanaren poza zabaldu dute Añorgako auzotarrek, eta salatu dute auzoa multinazionalez bete diela udalak eta aldiz, oinarrizko zerbitzu publiko asko falta zaizkiela.


Natura nola bizi eremu urbanoko ikastetxeetan

Ados, baso eskolak eta naturaz inguratutako ikastetxeak abagune paregabea dira pedagogia berdearen onurez gozatzeko, baina Euskal Herrian asko dira hiri eta eremu urbanoetan kokatuta, asfaltoa lagun duten eskolak. Horiek ere, ordea, uste baino gertuago dute bioaniztasuna bertatik bertara lantzeko aukera. Horren lekuko, artikuluaren bukaeran aurkituko dituzun esperientziak.


Bilbora sartzeko bidesaria?

Bilboko Udaleko Zirkulazio zinegotziak egin du proposamena orain egun batzuk, Bizkaiko hiriburuan kotxe pribatuen joan-etorriak murrizteko.


Azkenak
EGILEA
Eguneraketa berriak daude