Bizilagun kolektibo ugarik manifestazioa deitu dute larunbaterako. Bizilagunen kanporatzeari aurre egiteko eta etxebizitza eskubidea bermatzeko neurriak eskatuz, gero eta talde gehiago antolatzen ari dira.
Turismoaren masifikazioak eta etxebizitzen espekulazioak hirian protesta ugari sortu ditu azkenaldian, eta elkarrekin lan egiteko beharra azaldu dute kanpaina bultzatzen duten elkarteek.
Izan ere, azken aste eta hilabeteetan ekimen eta dinamika berriak abiatzen ari dira Bartzelonan, Turismo Jasangarrirako Auzo Asanbladak edo Maizterren Sindikatuak, kasu. Dinamika guzti hauek batu eta Adeu BCN kanpaina abiatu dute.
Espazio publikoa enpresa turistikoentzat bideratzen duen hiri ereduari aurre egiteko deia luzatu dute deitzaileek eta manifestazio hau ekimen gehiagoren hasiera dela iragarri dute beraien webgunean.
“Milaka turista 'Hola Barcelona' atsegin batekin hartzen diren bitartean, guk argi dugu norbaitek AdéuBCN esan behar duela”. Izan ere, alokairuek gora egiten jarraituz gero, hiria osorik izango da turistentzat, bertako bizilagunak etxea uztera derrigortuta izango direla adierazi dute.
Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.
Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.
Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.
Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.
Hiritarrek salatu dute turismo jarduerak hirian “gehiegizko bolumena eta pisua” hartu duela. Halaber, egoera “desazkunde turistikorantz” bideratzea aldarrikatu dute, “kalteak handitzea eta iraunkortzea” ekiditeko.