Absolbitu egin dituzte 2014an Gasteizen atxilotutako sei ikasleak

  • Guztira 13 urteko espetxe zigorra eta 5.000 euroko isunen eskaerak eskatzen zituen fiskalak sei ikasleen aurka. Autoritatearen aurkako delitua eta lesioak eragitea egozten zieten ikasleei.

Topatu.eus @topatu_eus
2016ko urriaren 19a

2014ko martxoaren 19an sei ikasle atxilotuak izan ziren Gasteizko EHU-UPVko Canpusean elkarretaratze batean. Euskal preso politikoek unibertsitatean ikasteko duten eskubidea aldarrikatzeko antolatu zuten protesta. Elkarretaratzearen baitan hainbat ikaslek mural bat egiteari ekin zioten horma batean, aldarrikapen berari loturik. Orduan, kalez jantzitako ertzainek inolako azalpenik eman gabe ikasleetako bat atxilotu zuten. Ondoren, hainbat ikaslek errepidea moztu zuten lurrean eserita, atxilotua egoera duin batean jartzeko eskatuz. Momentu horretan Ertzaintzak kargatzeari ekin zion, eta beste bost gazte atxilotu zituen.

Autoritatearen aurkako delitua eta lesioak eragitea egozten zioten hiru urteko espetxe zigorra eskatu diote sei ikasleetako bati. Gainerako bostei, ustez autoritatearen aurkako delitua egiteagatik bi urte bakoitzari. Guztira 5.000 euroko isuna eskatzen zuen fiskalak.

Aldarrikapen berdinean berresten direla adierazi dute sei auziperatuek: “Euskal preso politikoek EHU-UPVn ikasteko duten eskubidea ozen aldarrikatu nahi dugu”. Gainera, ikasleen mobilizazio eta protesten aurka etengabe ematen diren polizia jazarpenak salatu nahi izan dituzte: “Gorputz armatuek unibertsitatetik kanpo behar dutela pentsatzen jarraitzen dugu. Zehazki guk aldarrikatzen dugun unibertsitate ereduaren beste muturrean dagoelako egungo eredua”. Epaiketan errepikatu besterik egin ez den "zirkua" eta "muntai poliziala" ere salatu dituzte.

Albiste hau Topatuk argitaratu du eta CC-by-sa lizentziari esker ekarri dugu ARGIAra


Ikasle mugimendua kanaletik interesatuko zaizu...
2018-04-23 | Topatu.eus
PISA eta Errebaliden aurrean ikasleek planto egiteko, intsumisio gida sortu dute Ikasle Abertzaleek

Hiru urtetik behin eta urtero egiten diren ebaluazio azterketak dira PISA eta Errebalida frogak. Apirila eta maiatza bitartean egingo dira zenbait ikastetxeetan; hala ere, Ikasle Abertzaleek ikasleei planto egiteko deialdia egin diete. Intsumisio gida sortu dute.


2018-04-20 | Topatu.eus
Azterketa arrotzen aurka Bilboko kaleak hartu dituzte ikasleek

Ikasleok Zorrotz dinamikak deituta manifestazioa egin dute Arriagatik ehunka ikaslek 'Azterketa arrotz, ikasleok zorrotz' lelopean. Azterketa eta erreforma arrotzen aurrean eta Euskal Herri burujabearen bidean hezkuntza "herritik eta herriarentzat" eraikitzea galdegin dute.


2018-04-18 | Hala Bedi
Ertzaintza ikasleen aurka oldartu da Gasteizen, Altsasuko gazteen aldeko mobilizazioan

Baimen eza argudiatuta, Ertzaintza Gasteizko Campuseko ikasleen aurka oldartu da, hainbat ikasle kolpatuz. Datozen egunetan, Altsasuko gazteen alde “zarata ateratzeko” deia egin du Altsasukoak Aske Gasteiz plataformak: lau elkarretaratze ezberdin egongo dira.


2018-04-09
Ikasle Mugimenduak areto bat okupatu du Leioako Campusean

Leioako Ikasle Mugimenduak jakinarazi duenez, astelehen goizean “Leioako campuseko liburutegi atzean kokatuta dagoen eraikin bateko espazio huts bat okupatzea erabaki dute, ikasleen beharrei erantzuteko asmoz”.


Ikasle Abertzaleen autonomiaren defentsan

Ikasle Abertzaleak taldeko hainbat militante ohik ondorengo irakurketa plazaratu dute ikasle antolakundeari babesa adierazteko.


Ikasle Abertzaleen inguruan sortutako polemiken harira

Idazki labur honen bitartez azken aldian askapen mugimenduaren baitan ikasle antolakundearen inguruan eman diren hainbat polemika argitu nahiko genituzke, gure eragilearen posizio politikoak azpimarratzearekin batera.


2018-03-21 | ARGIA
Mobilizazio ugari egiten ari dira Euskal Herriko ikastetxeetan, Ikasle Abertzaleen greba deialdiari erantzunez

“Hau ez da gure hezkuntza!” lemapean greba eta mobilizazio eguna antolatu dute asteazken honetan Ikasle Abertzaleek.


Abian da Euskal Herriko Herri Unibertsitatea

"Zapalduoi beharrezkoa zaigu elkartzea, eztabaidatzea, ikastea, harremantzea, borrokatzea; klase batasunaren bidez soilik lortuko baitugu desjabetuona izango den unibertsitatea eta harreman sozial berrien eraikuntza". Asmo horrekin abiatu da Herri Unibertsitate Nazionala, Donostiako Ibaeta campusean. Guztira, 30 hitzaldi eta tailer baino gehiago, "ezagutza propioa garatzea helburu".


Bordeleko unibertsitatean protestan ziren ikasleen aurka oldartu da polizia

Baxoaren erreformaren aurka protestatzeko, Bordeleko unibertsitateko anfiteatroa okupatuta zuten ikasleek asteartean, eta indarrez sartu zen polizia iluntzean. Gertaturikoa filmatzen ari zen Gorri ta Beltza Euskal Herriko ikaslea jo zuten (argazkian) eta salatu dutenez beste ikasle bat inkontziente utzi eta arrastaka eraman zuen poliziak.


2018-03-07 | Hala Bedi
LOMCE eta Heziberrik "inposatutako" azterketari planto egiten hasi dira Arabako zenbait zentro

San Ignacion, Luis Elejalden, Aresketan… planto egin diote LH 6. mailako kanpo ebaluazioari. Hezkuntza Plataformen Topagunetik kalifikazio sistema “inposatu” honi planto egiteko deia luzatu zuten eta elkarlanean ari dira ikasleak, irakasleak eta gurasoak.


Azkenak
EGILEA
Eguneraketa berriak daude