Abortu eskubidea mugatzeko saiakerari zartakoa eman dio AEBetako Auzitegi Gorenak

  • AEBetako Auzitegi Gorenak atzera bota ditu Texaseko estatuan abortuak egiten dituzten osasun-zentro eta medikuei ezarritako mugak. Bost epailek bozkatu dute lege murriztaileen aurka, eta hiruk alde. Abortu eskubidearen aldeko azken 25 urteotako epairik esanguratsuena da.

Jon Torner Zabala @jtorner
2016ko ekainak 28
Abortu eskubidearen aldeko ekintzaileak pozarren, epaia ezagutu ostean (Arg.: Kevin Lamarque / Reuters).

Abortu eskubidearen aurkako "gurutzadak" –hala definitu dute hainbat hedabidek– Texaseko estatua du ikur, nahiz eta gehiengo errepublikanoa duten beste estatu batzuetan ere gisako legeak onartu dituzten. Auzitegi Gorenak onartutako epaiak horiengan ere izango du eraginik.

Texaseko Gobernuak baldintza zorrotzagoak ezarri nahi zizkien abortuak egiten dituzten klinika eta medikuei, osasun arretaren kalitatea hobetu eta "konplikazioak jasaten dituzten emakumeen osasuna babesteko". Aldiz, Auzitegi Gorenaren ustez, neurri horiek Konstituzioa urratzen dute, abortu eskubidea mugatzen dutelako. "Konplikazioak oso gutxitan ematen dira, eta arrisku maila oso-oso baxua da", dio Ruth Ginsburg epaileak idatzitako sententziak: "Texaseko legeak emakumeen osasuna babesten duela pentsatzea zentzugabea da".

Texaseko legea 2013an onartu zen, eta haren eraginez abortua praktikatzen zuten 41 osasun-zentroetatik 22 itxi dituzte hiru urtean. Gorenak neurriak baliogabetzea onartu izan ez balu, hamar baizik ez lirateke geratuko, abortu eskubidearen aldeko ekintzaileen hitzetan. Oinarrian, Texaseko legediak osasun-zentroak behartzen zituen ospitaleek izan behar duten ekipamendu bera izatera, baina horrek ez du eragin zuzenik horrek osasun arretaren kalitatean, epaileen iritziz.

Kanal hauetan artxibatua: Abortu eskubidea  |  AEB

Abortu eskubidea kanaletik interesatuko zaizu...
Lesbianei ugalketa bermatzeak "antolakuntza arazoak" dakartzala esan zuen goi karguak dimititu du

Ricardo Ezkurrak abortuaren dekretuaren "formekin" iritzi kontrajarria daukala adierazi du, ez ordea "edukiarekin". UPNren garaian izendatutako azken karguetako bat da Ricardo Ezkurra.


Osasunbidean abortatzeko eskubidea ziurtatuko du Nafarroako Gobernuak

Fernando Dominguez (Osasun kontseilaria): "Abortuaren dekretua baino gehiago da hau, sexu osasun politika berri baten ikurra delako, errealitate sozial berriarekin bat etorriko dena".


Osasunbidean abortatzeko eskubidea ziurtatuko du Nafarroako Gobernuak

Fernando Dominguez (Osasun kontseilaria): "Abortuaren dekretua baino gehiago da hau, sexu osasun politika berri baten ikurra delako, errealitate sozial berriarekin bat etorriko dena".


Poloniako Gobernuak atzera egin du abortua guztiz debekatzeko asmoarekin

Abortu eskubidea aldarrikatzeko greba egin zuten milaka emakumek urriaren 3an Polonian. Manifestazio horiek direla eta, abortua guztiz debekatzen duen lege-proiektua bertan behera utz dezake gobernuak.


Abortatzeko eskubidea aldarrikatzeko greba egin dute milaka emakumek Polonian

Abortua debekatzen duen legearen aurkako greba antolatu zuten hainbat talde feministak urriaren 3an Polonian. ‘Astelehen Beltza’ deitu zioten protestari, eta milaka izan ziren euren eskubideak defendatzeko manifestatu ziren emakumeak.  


Palmako feminista auzipetuen aurkako epaiketa abian da

Irailaren 29 eta 30ean epaituko dituzte sei manifestariak. 2014ko otsailean Palmako Sant Miquel elizan abortu aske eta doakoaren aldeko ekintzan parte hartu zuten beste hogeitik gora pertsonekin. Palmako apezpikuak lau urteko espetxe zigorra eskatu du auzipetuentzat –Fiskaltzak urte eta erdikoa–. Manifestazioa egin dute asteazken iluntzean, auzipetuen absoluzioa eskatuz.


Ipar Irlandako hiru emakumek poliziari aitortu diote abortatzeko pilulak hartu dituztela

Hiru emakumek abortatzeko pilula ilegalak hartu dituztela adierazten duen idatzi bat aurkeztu dute Derryko polizia etxean, Ipar Irlandako abortuaren lege murriztailearen aurkako protestan.


Osasunerako arriskurik bada abortatzeko aukera eskainiko du Osasunbideak

Uztailetik aurrera eta osasun-arrazoirik bada sare publikoan egin ahal izanen dira haurdunaldien eteteak.


2016-02-12 | Topatu.eus
Ekintzaile feminista bat epaitegian Barakaldon, abortu eskubidearen alde mobilizatzeagatik

2013ko abenduaren 27an 70 emakume inguruk itxialdia egin zuten Gurutzetako Ospitalean abortatzeko eskubidearen alde. Ertzaintzak indarrez kanporatu zituen denak, eta epaituko duten gaztea atxilotu zuen. 18 hilabeteko espetxe zigor eskaera egin du Fiskaltzak.


2015-10-24 | ARGIA
Alternatibak badirela erakusteko, hiria herri bihurtuko da Bilbon

Bestelako mundua posiblea bakarrik ez, egingarria ere badela erakutsi nahi dute larunbat honetan Bilbon antolatu duten Alternatiben Herrian. Euskal Herriko eragile sozial askoren topaleku, aurrerantzean denen artean sor ditzaketen dinamiken abiapuntu izan liteke.


Azkenak
EGILEA
Eguneraketa berriak daude