Abian da ikasleen arteko kohesioa eta berdintasuna hobetzeko sinadura kanpaina

  • Zubiak Eraikiz herri plataformak Eusko Legebiltzarrean eskola publiko eta inklusiboaren aldeko ILP bat aurkeztu du. Ikastetxeetako segregazioarekin amaitzea du helburu eta, besteak beste, behar bereziak dituzten ikaslerik gabeko ikastetxeei laguntza publikoa eteteko proposamena jasotzen da.

Miren Osa Galdona @Mirentx_U
2018ko otsailaren 12a

“Hezkuntzan behar gehiago dituzten ikasleak ikastetxe jakin batzuetan batzen dira eta horrek gizarte desberdintasuna sustatzen du”, hala diote Zubiak Eraikiz plataformako kideek. Jaso dituzten datuen arabera, oinarrizko hezkuntzan itunpeko sarean etorkinen kopurua %32 dela diote; sare publikoan, aldiz, bi bider gehiago, %68. Datuok aldatu eta hezkuntza sistema orekatuago bat bultzatzeko asmoz, sinadura kanpaina abiarazi dute Eusko Legebiltzarrean herri ekimena eztabaidatu dezaten. Lau hilabete dituzte 10.000 sinadura jasotzeko.

Herri ekimena azaroan erregistratu zuten Gasteizko ganberan. Lehen aldia da Espainiako Estatuan lege proposamena sustatzeko ekimen bat internet bidezko sinadura bilketarekin egingo dela. Webgunea zabaldu dute informazio osoa eskainiz eta bertan sinatzeko aukera ere badago. Twitter kontu bat ere sortu dute.

Herri plataformak aurkeztutako txostena zortzi artikuluk osatzen dute. Neurrien artean, doako irakaskuntzaren alde egiten dute dokumentuaren egileek. Modu honetan, agintariek egoera aldatzeko “benetako borondatea” erakutsiko luketela berretsi dute eta “legez kanpoko kuotei” aurre egiteko aukera handiagoak izango litratekeela. Horretarako gardentasuna bermatzeko neurriak proposatzen dituzte eta diru publikoa jasotzen duten ikastetxeei jarraipen zorrotza egitea beharrezko jo dute. “Hezkuntza Sailak jarraipen zuzena egiten badie itunpeko ikastetxe horiei jasotzen duten diru publikoa behar bezala erabiltzen dutela jakingo dugu”. Ikasleen berdintasuna bultzatzeko neurririk hartu ezean, aipatutako laguntza publikoak etetearen aldeko jarrera agertu dute egileek.  

Nafarroa eta EAE podiumean

Maila sozioekonomikoaren arabera hezkuntza segregazioa zenbatekoa den aztertu berri du ikerketa batek. Espainiako Estatuko autonomia erkidegoak eta Europako herrialdeak konparatzen ditu txostenak eta emaitzak argiak dira: Nafarroan eta EAE bigarren eta hirugarren postuan daude, hurrenez hurren, maila sozioekonomikoaren araberako hezkuntza segregazioan Espainiako gainontzeko erkidegoekin alderatuz gero. Lehen postuan Madrilgo Erkidegoa dago baina bi euskal lurraldeek oso gertutik jarraitzen diote. Hala jaso du Asier Blas politologo eta EHUko irakasleak twitterrean.  

 

 

 

Kanal honetan artxibatua: Hezkuntza

Hezkuntza kanaletik interesatuko zaizu...
2018-05-21 | Ahotsa.info
Euskararen ofizialtasuna eta hezkuntza publikoaren aldeko aldarriak uztartu ditu Sortzen jaiak giro paregabean

Iruñeko Antoniutti parkean Sortzen Jaia ospatu da gaur. Milaka eta milaka lagun batu dira euskararen ofizialtasuna eta hezkuntza publikoaren alde.


2018-05-20 | Ainhoa Bretos
Ikasleak, laguntzaile onenak

Elkarbizitza abiapuntu eta helburu, Ikasle Laguntzaileak proiektua jarri du martxan Santurtziko Bihotz Gaztea ikastolak, aurtengo Ibilaldiaren antolatzaileak. Jolastokian bakarrik egoten den ikasleari, garai txarra pasatzen ari denari edo bestelako arazoren bat duenari laguntzen diotenak dira ikasle laguntzaileak.


2018-05-20 | Eneko Gorri
Urratsek egiten gaituzte

Manifestazio guziek ez dute zapore berdina. Maiatzaren 4an ikastolen kexua ozen adierazteko antolatutakoak sentsazio goxo batekin utzi gaitu. 7.000 haur, guraso, irakasle, langile eta euskaltzale bildu ginen, danborrada alai eta koloretsu baten bidez, Paristik datorren jazarpenari erantzuteko. Lapurdi, Baxenabarre eta Zuberoko 36 ikastolak alerta gorrian dira. Aldi honetan irakasle postuak dira jokoan. 230 ikasle gehiago izanen dira ikastoletan datorren ikasturtean. 25 irakasle postu berri... [+]


2018-05-18 | Miren Osa Galdona
Schools which teach in Basque request more teachers from the French Education Ministry

Thousands of people came together at Herri Urrats (The People's Steps), the festivity which Basque schools (ikastolas) in the northern Basque Country hold every year. Seaska ikastola federation's request to the French government for more teachers was the main subject of conversation this year.


2018-05-17 | ARGIA
Euskal siderurgiaren erroak aurkitu dituzte: 300 haizeola Araba, Gipuzkoa eta Bizkaian

  Ikerlari talde batek antzina burdina egiteko erabiltzen ziren sistema prehidraulikoak inbentariatu eta aztertu ditu.


Sexu eta genero aniztasuna eskolan lantzeko unitate didaktikoa

Iraultzeko prest! unitate didaktikoa argitaratu berri dute, sexu eta genero aniztasuna ikasgelan lantzeko. Haur Hezkuntzatik Batxilergoraino, maila bakoitzera egokitutako materiala eta ekintzak proposatzen dira. “Jaio aurretik heterosexualak izango garela aurreikusten duen araua zalantzan jartzea” du helburu unitateak, “neska eta mutiletan, femeninoan eta maskulinoan banatzen gaituen eta rol jakinak esleitzen dizkigun heteroarauak guztiongan nola eragiten duen... [+]


Itunpeko ikastetxe pribatuetako langileak greban, hitzarmena berritzea helburu

EAEko Gizarte ekimeneko itunpeko ikastetxeetako langileek (tartean Kristau Eskolakoek eta IZEA Irakaskuntza Zentroen Elkarte Autonomokoek) greba egin dute astearte eta asteazken honetan. Hiru urteko negoziazio eskaeren ostean, 10.000 langileri eragiten dien hitzarmena berritzeko patronalak jarrera “inmobilista” izaten jarraitzen duela salatu dute sindikatuek.


EAEko hezkuntza publikoak badu aurre-akordioa

EAEko irakaskuntza publikoko baldintzak hobetzea helburu izan duten urtebeteko mobilizazioen ostean, LAB, STEILAS, CCOO eta UGTk aurre-akordioa sinatu dute Eusko Jaurlaritzarekin. ELA sindikatuak ez du bat egin aurre-akordioarekin eta mobilizazioekin jarraitzeko asmoa agertu du.


2018-05-14 | Miren Osa Galdona
Seaskaren aldeko hotsak nagusi izan dira aurtengo Herri Urratsen

Milaka euskaltzale bildu dira, beste behin, Senperen. Prefosta lelopean, Larzabalgo Manex Erdozaintzi ikastolentzat izango dira aurtengo irabaziak. Seaskak Frantziaren Gobernuari eskatzen dizkion irakasle kopuruaren gatazka eguneko protagonista bilakatu da.  


Arbitrorik gabeko saskibaloi liga horizontala eta autogestionatua

Horizontala, autogestionatua (arbitrorik gabea), doakoa eta mistoa, horrelakoa da Alacanteko Saskibaloi Liga Kooperatiba. Kirol-kluben filosofiatik at eta ohiko ligek suposatzen duten dirutzatik ihesean, 2017 bukaeran jaio zen eta dagoeneko 80 jokalari dira, zortzi taldetan banatuta. Auzoak bizi mantentzen dituztela eta kirola beste modu batera ulertzen dutela diote.


Eguneraketa berriak daude