Abian da hamar orduko kontzentrazioa metroa gelditzeko eskatuz Donostiako udaletxe aurrean

  • Hainbat talde sozial eta erakunde Donostiako Metro-pasantearen aurka hamar orduko kontzentrazioa egiten ari dira. 10:00etatik 20:00etara ordu beteko txandak egingo dituzte, protestara biltzen diren herritarrekin batera. Ondorengo eragileek batu dituzte indarrak ekimenean: Satorralaia bizilagunen mugimendua, Ikasle Abertzaleak, Stop Desahucios, Dbus-eko langileen Kurpil elkartea, Ongi Etorri Errefuxiatuak, Podemos-Ahal Dugu, Equo, LAB, Juventud Combativa, Stop Metroari Antiguon, Eguzki, Erraustegiaren Aurkako Mugimendua, Eleak-Libre eta Bizilagunekin plataforma.

ARGIA @argia
2018ko maiatzaren 29a
10 orduko kontzentrazioa abian da.

Ekimen honekin larunbatean Donostian Metroaren pasantea gelditzeko eskatuz egingo duten manifestaziora ahalik eta jende gehien biltzeko deialdia zabaldu nahi dute Satorralaiatik. Manifestazio hori 17:30ean abiatuko da Easo Plazatik, “Metroa berehala gelditu! Donostia ez zulatu!” lemapean.

Satorralaiatik jakinarazi dute maiatzaren 29an egiten ari direla aldarrikapen ekimen hau, "2015 urteko udal eta foru hauteskundeen hirugarren urteurrenean EAJren garaipenak eta PSErekin izenpeturiko koalizio-gobernuak Donostian Metroaren pasantea eraikitzeko proiektua berrabiatzea ekarri zuela salatzeko".

Hauteskundeak egin eta lau egunera –maiatzaren 29an, hain zuzen– Eusko Jaurlaritzak proiektua onartu asmoz “informazio publikoa”ren izapidea hasi zuen. "Geroztik, proiektua era zeharo inposatzailean garatu dute eta nabarmena da Metroaren auzian Udaletxeak ez dituela herritarrak defendatzen, Eusko Jaurlaritzaren eta azpiegitura erasokor hau sustatzen duten lobby ekonomikoen interesak baizik".

Satorralaiak Eneko Goia alkateari egitasmo honen inguruan erantzunik jaso ez duten eragozpen larrien inguruan zenbait galdera egiten dizkion idatzia aurkeztuko du asteazkenean udaletxean. "Alkateak ezin du egitasmo honek Donostiako herritarren artean sortarazten duen ezinegonaren eta desadostasun zabalaren aurrean ezjakinarena egiten jarraitu, Metroaren pasanteak hiriko Dbus-en garraio publikoan eragingo lituzkeen ondorio galgarriak ezkutatzen segi, azpiegitura handi horrek hiri-ereduaren arloan duen egundoko eraginaz tutik esan gabe egon, eta eraikuntza-lanek hirigunean izango duten eragin handia isilpean gorde. Eztabaida publikoari eta herritarren partehartzeari bideak irekitzeko nahiz herri-galdeketa bat egiteko eskaera guztiei ezezkoa eman die bestalde", diote.


Donostiako metroa? kanaletik interesatuko zaizu...
2018-06-13 | ARGIA
Autobus elektrikoaren aurkezpenean, metroa "aukerarik txarrena" dela salatu dute Donostian

Donostian zirkulazioan jarriko duten dBus-en 28 zenbakiko autobus elektriko berriaren aurkezpenean protesta egin du Satorralaiak. Gipuzkoako Diputatu Nagusi Markel Olano eta hiriko alkate Eneko Goia aurkezpenera batu direnean, "Donostian busean bai, metroa ez dugu nahi!" aldarrikatu dute oihuka hainbat lagunek.


2018-05-11 | ARGIA
Donostiako metroaren lanetako hondeamakinen kristalak hautsi dituzte ezezagunek

Donostiako Antigua auzoan, Pio Baroja kalean egiten ari diren metroaren lanetako lau hondeamakinen leihoak hautsi ditzute goizaldean, ETS Eusko Trenbide Sareak salatu duenez. Azpiegitura proiektu honen lehen tunela han zulatzen hasi dira. Ekintza ez du inork hartu bere gain.


Txosten batek agerian utzi du Donostiako metro-pasantea ez dela bideragarria

Donostian eraiki asmo den metro pasanteari buruzko txosten teknikoa garatu du bizilagunen lantalde batek, eta bertan auzitan jartzen da Eusko Jaurlaritzak pasanteari emandako inbertsioa bideragarria ote den.


Donostiako Metroaren pasantearen aurka ekintza ugari antolatu dute

Donostiako metro-pasantearen kontrako Satorralaia mugimenduak ekimen ugari antolatu du maiatzean, ekainaren 2ko manifestaziorako deialdia indartu asmoz.


Donostian metroaren aurkako protesta egin dute lanak hasi dituzten lekuan

250 bat lagun batu dira Donostiako Antigua auzoan hasi dituzten metroaren lanetan, Satorralaiak deituta. "Hiritarrok argi dugu: Stop metroari" lemapean kontzentrazioa egin dute Zarautz etorbidean.


2018-02-22 | ARGIA
Donostiako metroaren obretan kontzentrazioa deitu dute datorren ostegunerako

Datorren ostegunean, martxoaren 1ean, Antiguan hasi dituzten Donostiako metroaren obretan kontzentrazioa deitu du 17:30ean Satorralaia bizilagunen mugimenduak Hiritarrok argi dugu: stop metroari lelopean.


2018-02-12 | ARGIA
Satorralaiako kide bati 'Mozal Legea' ezarri izana salatu dute Donostian

Donostiako auzitegian bildu dira protestarako. Epaiketa emaitzaren zain gelditu da. Ertzaintzak ehun euroko isuna jarri zion norbanako bati, 2016an ustez kontzentrazio baten kokagunea baimenik gabe aldatzeagatik. Honek helegitea jarri zuen.

 


2018-02-07 | Lander Arbelaitz
Herri mugimendu ugari elkartu zituen kontzentrazioa Mozal Legearekin zigortu izana salatuko dute

Datorren asteartean, otsailaren 13an, 9:00etan Mozal Legearen aurkako kontzentrazioa deitu dute Donostiako epaitegiaren aurrean. Metroa gelditzeko Satorralaia bizilagunen mugimenduko kide bat zigortu dutela eta honek helegitea jarri duela baliatu dute deialdia egiteko. 2016ko azaroaren 16an, Donostiako Udalak bere buruari "demokraziaren munduko hiriburu" deitu ziola baliatuz, udaletxearen aurrean herri mugimendu ugarik egin zuten protestaren harira zigortu dute.


2017-12-28 | ARGIA
Donostiako metroko obretan baso-mozketa baimendutakoaren bikoitza izan dela salatu du Satorralaiak

Donostiako Antiguako hainbat eremutan zuhaizti eremu zabalak kaltetu zituzten metroko obrek joan den abenduaren 12tik 15era egindako baso-mozketek. Eguzki talde ekologistak eta auzotarrek jo zuten alarma.


2017-12-20 | Lander Arbelaitz
Donostiako Metroa geratzeko eskatu dute beste behin Donostian

Gipuzkoa Plazatik abiatuta Donostiako udaletxera egin duten protestan berrehun lagun inguruk metro pasantearen lanak geratzeko eskatu dute. Parte-hartze prozesu bat irekitzeko eskatuz 9.000 sinadura aurkeztu zituztela gogoratu eta proiektua inposizio gisa ikusten dutela azaldu dute. Eusko Jaurlaritza eta Donostiako Udala jo dituzte errudun.


Azkenak
EGILEA
Eguneraketa berriak daude