Abetxukuko liskarren aurrean, elkarbizitzaren aldeko deia egin dute zenbait lagunek

  • Bizikidetza "baketsua" berreskuratzeko, bitartekaritza zerbitzua eta neurriak jartzeko galdegin diete erakundeei.

Arabako Alea @ArabakoALEA
2017ko otsailaren 17a
Protesta ugari izan dira azken hilabeteotan Abetxukun (argazkia: U. Nogales / Alea).

Abetxukun bizi duten egoerak kezkatuta, "elkarbizitzarako" deia egin dute Gasteizko hainbat lagunek. Gizarte alorrean eta, batik bat, giza eskubideen inguruko gaietan adituak diren lagunen esanetan, "premiazkoa" da erakundeek esku hartzea eta elkarrizketa bidezko konponbidea bilatzea. Besteak beste, Jose Angel Cuerda alkate ohiak, Amelia Barquin kultura arteko gaietan adituak, Cesar Manzanos Salhaketako kideak eta errefuxiatuen alde lanean ari den Rosabel Argotek sinatu dute deialdia.

Azken hilabeteetan Abetxukuko auzokide jakin batzuek Manzanares Cortes familiarekin –Los Pichis moduan ezagunak– izan dituzten bizikidetza arazoak direla eta, kezka  agertu dute sinatzaileek. "Eta are kezkagarriagoa iruditzen zaigu hori Abetxukun gertatzea; izan ere, auzo hau historian zehar beti izan da abegitsua eta solidarioa egoera sozioekonomiko kaskarrean dauden pertsonekin eta beti harrera ona egin die etorkinei", adierazi dute oharrean.  

Sinatzaileen esanetan, "hainbat hutsegite" egin zituen hasieran Manzanares Cortes familiak, auzoan sartzeko izan zuen modua eta jarrerengatik, baina "zuzendu" egin ditu horiek eta elkarrizketarako prest dago, "bizikidetza baketsua lortzeko asmoz".

"Elkar-ulertze bideak"

Horregatik, auzoko ugarik hartu duten jarrerarekin kezkatuta daudela azaldu dute, "elkar-ulertze bideak bilatu beharrean, Manzanares Cortes familia auzotik joatea bilatzen dutelako". Jarrera horrek guztien kalterako liskarrak sortu baino ez dituela egingo adierazi dute, eta elkarbizitza baketsuak "bestelako logika" bat eskatzen duela nabarmendu dute: "Gatazkak konpontzeko elkarrizketa eta gizalegea erabiltzea; gizarte pedagogia eta, jakina, enpatia, besteen lekuan jartzen ahalegintzea".   

Ildo beretik, egoerak "bere horretan" irauten duela ikusita, gogoeta eta elkarbizitzarako dei publikoa egin dute, eta horrekin batera erakunde publikoek esku hartzea "premiazkoa" dela uste dute. "Luzamendutan ibili gabe, hiritar guztien eskubideak bermatu behar dituzte, besteak beste, edozein pertsonak nahi duen tokian bakean bizitzeko duen eskubidea eta horrekin batera dagozkion betebeharrak". Erakundeek bitartekaritza zerbitzu eta neurriak jartzeko eskatu dute, elkarrizketa bidezko konponbidea bilatzeko.     

Sinatzaileen arabera, gehiegi luzatu da egoera hau eta laster esku hartu ezean, Abetxukuko elkarbizitza baketsurako giza ondorio "larriagoak" ekar ditzake.

Albiste hau Arabako Aleak argitaratu du eta CC-by-sa lizentziari esker ekarri dugu ARGIAra.

Kanal hauetan artxibatua: Diskriminazioa  |  Araba

Diskriminazioa kanaletik interesatuko zaizu...
A, B, D ereduak ikastetxean
Segregazioa elikatzen

EAEko ikasleek ez dute lortzen; Derrigorrezko Bigarren Hezkuntza bukatu eta gaztelaniaz moldatzen dira, baina erdiak euskaraz ez. Hau da, A, B, D... letra zopa ereduak ez duela lortu gazteak elebidun izatea. Aitor Idigoras Steilaseko kideak ikastereduei buruzko eztabaida landu du eta beste hainbat faktorek eragiten duten ikasleen arteko segregazioaz ere aritu gara.


Bilboko kale-saltzaileak
"Proiektu sendoa daukagu, ongi ari gara, eta zergatik eskatzen digute bete ezin duguna?"

Baldintza guztiak bete dituzu herritar legal bihurtzeko (kontzeptua bera gogorra da), autonomo gisa kotizatzen zabiltza kale-saltzaile, eta bat-batean administrazioak esaten dizu irabazi dezakezuna baino gehiago kotizatzen ez baduzu, berriz ere paperik gabe utziko zaituela, berriz ere poliziaren aurrean ihes egitera kondenatuko, Afrikara itzularaziko. Horixe egin berri dute Senegaletik migratu zuten kale-saltzaileekin. Bilbon bizi diren horietako hirurekin hitz egin dugu.


2018-04-04 | ARGIA
Arrazakeriaren kontrako mezuak jarri dituzte ume beltz batek erasoa jasan zuen Bilboko parkean

Sarean asko zabaldu da Bilboko parke batean gertatutako eraso arrazistaren bideoa. Gertaera horren aurkako mezuak jarri dituzte erasoa gertatu zen parkean.


2018-03-21 | ARGIA
Manteroak eta etxeetako langileak protagonista, Arrazakeriaren Kontrako Egunean

Etxebizitza, osasuna eta lana bezalako eskubide funtsezkoetan eta eguneroko beste makina bat errealitatetan herritar askok bizi duten arrazakeria eta xenofobia salatuko dute egun hauetan Euskal Herrian, martxoaren 21 Arrazagatiko Diskriminazioaren Aurkako Nazioarteko Eguna dela-eta.


2018-03-21 | Miren Osa Galdona
'Delinkuentzia kanpora' taldeko kide bat zigortu dute SOS Arrazakeria mehatxatzeagatik

Delinkuentzia Kanpora taldeko kide bat zigortu du Bilboko Epaitegiak Facebook bidez Federico Garcia Arabako SOS Arrazakeria taldeko burua mehatxatzeagtik. 150 euro ordaindu beharko ditu.


Zurientzat, menua garestiago

New Orleansen (AEB), jatetxe nigeriar bateko menuak 12 dolar balio ditu, eta zurientzat gomendatzen duten prezioa berriz, 30 dolarretakoa da. Zurien eta gainerakoen arteko soldata arrakalaren aurrean, prezioa batzuen eta besteen ahalmenera egokituz desoreka orekatzea da asmoa.


Tristezia eta haserrea Madrilgo Lavapiés auzoan Mame Mbaye kale saltzailearen heriotzagatik

Mantero eta Lateroen Sindikatuak kontzentrazioa deitu du ostiralerako Mame Mbayeren omenez, Madrilgo erdigunean ostegunean hil zen. Deialdiak hainbat hiritan oihartzuna izango du, eta Euskal Herrian, Iruñean kontzentrazioa deitu dute 18:00etan Navarreria plazan.


2018-03-15 | ARGIA
Marielle Franco feminista eta giza eskubideen aldeko ekintzailea hil dute Rio de Janeiron

Asteazken gauean Brasilgo Rio de Jaineiroko erdigunetik auto batean zihoala, tiroz hil dute Marielle Franco, hiri hartako zinegotzia eta giza eskubideen aldeko ekintzailea.


2018-03-11
Nicole Lougarot. So kritikoa maskaradei
"Gaizki uzten nau maskaradetan buhameak nola agertzen diren ikusteak"

Berez gustuko baditu ere, maskaradei buruzko ikuspegi kritiko bat plazaratzen dabil zuberotar antropologoa. Buhameei buruzko arrazismoa antzemanik, maskaradetako diskurtsoa aldatzeko deia egin du: “Maskaradak betiere maskaradak ditukezu hori aldatuz gero ere”. Tradizioaren karga eta Euskal Herriko buhameen historiaren inorantzia dira batez ere aldaketarako oztopo. Haren ekarpenak ez dira, ordea, denen gustuko.


Florentziako senegaldarrak arrazismoaren aurka altxatu dira azken hilketaren ostean

Gizon italiar batek auzokide senegaldar bat hil zuen astelehenean Florentzian, eta Toscanako hiriburuko senegaldarrak arrazismoaren aurka altxatu dira, Info Aut-ek jaso duenez.


Azkenak
EGILEA
Eguneraketa berriak daude