Krisiari esker aberatsago: honela dago banatua munduko aberastasuna Credit Suisseren arabera
Credit Suisseren datuen arabera, munduko populazioaren %1ek –aberatsek, 667.000 euro edo gehiago dituztenek– gainontzeko %99ak adinako aberastasuna dauka. Krisiaren hasieraz geroztik pribilegiatu direnen eta gainontzeko guztien arteko zuloa areagotuz joan da, enpresa suitzarrak azaldu duenez.
Datu hauek urtero argitaratzen duen aberastasunari buruzko txostenaren baitan plazaratu ditu Credit Suissek. Ikerketa egiteko 200 herrialdetako 4.800 milioi pertsona galdekatu ditu, eta atera dituen ondorioak argigarriak dira: munduko populazioaren %0,7k aberastasun osoaren %45,2 dauka, eta %10 aberatsenak munduko aktiboen %88.
El Paiseko Ignacio Farzaren aburuz, banku suitzarrak argitaraturiko datuek irakurketa posible bakarra uzten dute: krisiaren amaieran aberatsak are aberatsago izango dira, eta txiroak aldiz, are txiroago. Credit Suissek azaldu duenez, aipaturiko arrakalaren handitze horren atzean finantza merkatuen hobekuntza legoke. Izan ere, pribilegiatuen aberastasunean eragin handia dute enpresen akzioen eta bestelako finantza aktiboen igoerek –pribilegiatu ez direnen kasuan gertatu ez bezala–.
Aberatsenen ia erdia AEBetan bizi da
Bestalde, finantza entitateak azpimarratu duenez, 2014ko erdialdetik aitzina oso aberatsen kopuruak behera egin duen arren –horren errua dolarraren indartzeari egozten dio– 500 milioitik gora dutenena zertxobait igo da –124.000 pertsona gehiago, hain zuzen–. Horrek, Farzaren ustez, desberdintasunen areagotzearen tesia indartzen du.
Aberastasunak herrialdeka eskaintzen dituen datuei erreparatuz gero, diru gehien dutenen ia erdia –59.000 pertsona– AEBetan bizi da. Aberats gehien dituen bigarren herrialdea Txina litzateke, 10.000rekin, eta hirugarrena Erresuma Batua, 5.400ekin.
Credit Suisseko Ondasunen Kudeatzailea den Michael O`Sullivan pozarren agertu zen argitaraturiko datuekin, esanez krisiaren hasieraz geroztik bere sektorearen hazkundea etengabea izan dela: “Gure industria garapen betean dago; aberastasunak gora egiten jarraituko du”. Ignacio Farzaren arabera, O`Sullivan ez dabil oso oker, milioi bat baino gehiago duten pertsonen kopurua %46 igoko baita datozen bost urteetan.
Europar Batasuna pandemia aurreko zerga arau zorrotzetara bueltatzeko bidean da, Europako Parlamentuak estatu kideek duten defizita eta zorpetzea mugatzeko neurri fiskal berriak onartu ostean. Ecofinek 2023 urte amaieran erabakitakoari jarraiki, austeritate eta murrizketa... [+]
Europako Banku Zentraleko lehendakari orde Luis de Guindosek Europak dituen "mehatxuez" hitz egin du Bartzelonan: "Berriz ere erreforma estrukturalen inguruan hitz egin behar dugu".
Atera berri dituzte zerga bilketaren datuak Araba, Bizkaia eta Gipuzkoako foru ogasunek, eta ikusi dugu inoiz baino diru gehiago jaso dutela. Berehala iragarri dute erreforma fiskalari buruzko gogoetarako beharrezko tartea hartuko dutela, ez dagoelako presarik, ezta premia... [+]
Europar Batasuneko Ekonomia eta Finantza ministroen Ecofin kontseiluak arau fiskal zorrotzagoak ekarri dizkigu opari urte berriarekin. Pandemia ondorengo norabidea aldatu eta berriz ere inbertsio publikoa txikitzea eta herrialdeek murrizketak egin behar izatea ekarriko du... [+]
Hego Euskal Herrian, egun indarrean dagoen neurri mesedegarri batek soilik jarraituko du aplikatzen, gutxienez ekainera arte: oinarrizko elikagaiei BEZik ez ordaintzea.