Abenduaren 3a 'Euskadiren Eguna' izendatzeko proposamena eztabaidatuko dute Eusko Legebiltzarrean

  • EH Bilduk aurkeztutako proposamenak dio datarik egokiena dela, “euskara euskal herritarron batasuna  sinbolizatzen duen ikur nagusia izanik”. EAJ abstenitu egin da eta PSE eta PP tramitazioaren aurka azaldu dira.

ARGIA @argia
2017ko urtarrilaren 26a

EH Bildu eta Podemosen aldeko botoekin Eusko Legebiltzarrean tramitera onartu dute Euskararen Nazioarteko Eguna, abenduaren 3a, “Euskadiren Eguna” izendatzeko koalizio abertzaleak egindako proposamena. Hala, data horren inguruko eztabaida izango da EAEko parlamentuan.

Abenduaren 3a “Euskadiren Eguna” izendatu eta jai ofizial gisa ospatzea  da egokiena proposamena aurkeztu duen EH Bilduren aburuz. “Arabako, Bizkaiko eta Gipuzkoako herritarron batasuna eta kohesioa adierazteko” euskara da euskal herritarron ikur nagusia, bere ustez. Bestalde, “euskarak behar duen babesa aintzat hartzeko” modua izan daitekeela iritzi du koalizioak, Pello Urizarren ahotan.

Eusko Jaurlaritzak begi honez ikusi du proposamena Eusko Legebiltzarrean eztabaidatzea, abenduan Urkulluren Gobernu Batzordeak adierazi zuenez. Paradoxikoki, EAJk abstentziora jo du eta Jaurlaritzan kide duen PSE-EEk aldiz tramitatzearen kontrako botoa eman du, PPko parlamentariek bezalatsu.

Patxi Lopezen gobernuak urriaren 25a izendatu zuen jai egun 2010ean, Gernikako Estatutua sinatu zen egun bera. 2013an baina, Legebiltzarraren ekimenez atzera bota zuten Lopezen neurri hori, eta iaz urriaren 7a izan zen jai egun ofizial, Agirre lehendakariaren Euzkadiko Gobernua osatu zela 80 urte igaro zirelako.


Euskararen Nazioarteko Eguna kanaletik interesatuko zaizu...
2016-12-05 | Pako Sudupe
Euskararen Egunaren biharamuna eta bestondoa!

Euskararen Nazioarteko Eguna iragan da. Alexander von Humboldten duela berrehun urteko iragarpena ez da oraindik bete. Alabaina, ezin ezkutatu zein soziologia espainola dugun Hegoaldean eta zein frantsesa Iparraldean! 


Euskararen Eguna, batzuentzat anekdota huts

Abenduaren 3 da Euskararen Eguna. EAEko Hizkuntza Politikarako Sailburuordetzak duela egun batzuk egin zuen adierazpen instituzionala. 700dik gora atxikimendu ditu. ELA eta LAB sindikatuek egin dute adierazpenaren kritika gogorrenetakoa. “Egia Euskaraz” estiloari segika, hainbat herritan euskaldunak aktibatzen ari diren eragileentzat berriz, esperientzia interesgarri baten helmuga baino ez da Euskararen Eguna.


Euskara sustatzeko kanpaina abiatu dute komunikazio zientzietako hainbat ikaslek

Abenduaren 2rako egitaraua prestatu dute arduradunek. EHUko Leioako Campusean egingo dituzte ekitaldiak.  


2016-11-29 | ARGIA
Lan mundua euskalduntzeko egitasmo pilotua abiatuko dute ELAk eta LABek Urola Kostan

Lan mundua euskalduntzeko bidean egitasmoa bateratua aurkeztu dute ELA eta LAB sindikatuek, Euskararen Nazioarteko Egunaren (abenduak 3) ingurumarian. Azaldu dutenez, 2017ko urtarrilean jarriko dute martxan proiektu pilotua, Urola Kostan, eta Kontseiluarekin batera jardungo dute egitasmoa aurrera ateratzeko.


Eguneraketa berriak daude