"Kafe instalazioa" antolatu dute Saran, gazteek laborantzaz hitz egiteko tertulia

  • ELB sindikatuko Gazte Taldeak "Kafe instalazioa" ekitaldien edizio berri bat antolatu du, ostegunean Saran burutuko den saiotik abiatuta. Laborantzaren egunerokoaz errazkiago mintzatzera ekartzen dituzte gazte eta ez hain gazteak, eskualdeka antolatutako sei hitzaldiotan.

Laborari
2017ko abenduaren 12a
Irudian, 2014 "Kafe instalazioa": nekazaritzan ari edo interesatzen diren gazteak bildu nahi dituzte saiootan. (Argazkia: Laborari)

ELB Gaztek eta AFIk antolatu zuten azken kafe instalazioa 2014ean izan zen Urdiñarben. Esperientzia aberats horren errepikatzeko xedea du aurtengo neguan ELBko laborari gazteen taldeak. Lehen hitzordua abenduaren 14eko finkatu da Saran.

Duela zonbait urte Iparraldeko eskualde desberdinetan antolatu ziren kafe instalazioek arrakasta pollita ukan zuten eta gazte andana bat hurbildu zen. Instalazioaren [baserri bat bere gain hartzearen] gaia estakuru gisa hartuz, instalatu berri, instalatzeko bidean edo laborantxari nola lotu pentsaketetan ari ziren gazteek ideien eta ikusmoldeen partekatzeko tokia atxeman zuten. Batzuek instalatzeko proiektuaren gogoetatzen ari ziren, beste batzuk aldiz instalatu berriak ziren eta gibelatze ttipi baten hartzeko parada izan zuten. Batzuek heien ibilbide luzeagoaz pundu bat egin zuten ere. Esperientzia eta proiektu desberdinen nahasteak eta trukatzeak gaualdi aberatsak sortu zituen eta parte hartzaile guziek bazuten zer pentsa etxerateko bidean.

Kafe instalazioaren funtsa hori baita: elgar ezagutzeko, trukatzeko, mintzatzeko, eztabaidatzeko edo entzuteko gune baten proposatzea giro goxo bat sortuz usaiaz kanpoko leku batean. “Nahiz eta ofizio eder bezain interesgarria egiten dugun, badakigu laborantzan denbora libro guti dugula. Zaila zauku batzuetan denbora hartzea gauzen pentsatzeko, besteekin partekatzeko, egunerokotasunaz urruntzeko eta ikuspundu orokor baten ukaiteko. Gehienetan jendarteak duen erritmo kuadratuaz kanpo gelditzen gira, lan tenoreak, asteburuak, bakantzak…” ohartarazten du Laura Irigarai, Azkarateko laborariak.

Bakartasuna haustea

Egoera sozialaz harat ere, egoera ekonomikoa aski aldakorra dela ere erran daiteke. “Garrantzitsua da laborantzak eta laborariek bizi dugun bakartasunaren haustea eta jendartearekin harremanetan segitzea. Beharrezkoa zauku biltzea eta hitz egitea, zendako ez hasi kafe instalazio

batekin?”, dio Peio Elizeitsek. Kafe instalazioen helburua tokian tokiko gaietaz hitz egitea da ere, lurraldearen berezitasunaz eta egoera sozio-ekonomikoaz, herritarren arranguretaz, laborari gazte eta ez hain gazteen bizipenetaz.

Usaiaz kanpoko lekuak ekartzen duen giro goxoak jendearen errexkiago mintzatzeko ahala emaiten du. “Bakotxak bere lekua atxemaiten ahal du

eta denek denen ohar, ikusmolde edo iritzietaz ikasten dute”, azpimarratzen du Peio Elizeitsek. Aurtengo negua baliatu nahi du taldeak berriz ere instalazioaren aipatzeko. Iparraldeko eskualde guzietan ibiliko da eta aldi huntan, lekuen arabera, tematika bat proposatuko du. Aldi oro bi pertsona

gomitatuak izanen dira eta bakotxak bere lekukotasuna ekarriko du. Ondotik, debate libre bat izanen da, edozoin galdera edo oharren egiteko tartearekin.

Hastapen batean tematika finko bat baldin bada ere, gaualdian zehar hainbat gai jorratzen ahalko dira, parte hartzaileen behar eta nahien arabera.

“Kafe “instalazioak” deitzen ditugu bainan argi dugu instalatzeko bidea transmisioaren bidearekin gurutzatu behar dela eta iduritzen zauku kafe instalazioa bidegurutze horietarik bat izaiten ahal dela”, dio Laura Irigaraik. Horregatik gomita luzatua da instalatu berri edo instalatzeari pentsatzen

duenari bainan ere erretretara hurbiltzen denari, laborari ez denari eta kurios denari.

Abendutik maiatzerat, sei saio

Sei kafe instalazio proposatuak dira abendutik maiatzerat:

- Saran, abenduaren 14ean, ostegun arratseko 9tan, Pleka Trinketan. Hegoa Mendiboure eta Joana Urbistondok heien ibilbidea aipatuko dute, gaualdiaren gaia lurra izanen dela.

- Donaixtin, urtarrilaren 25ean, Briseteia ostatuan, transmisioaren gaia aipatuko da instalatu berri den laborari batekin eta bere etxaldea uztekotan den beste batekin.

- Xiberuan, otsail hondarrean, mendiaren gaia jorratuko da.

- Bankan, martxo hondarrean elkarlanaz arituko dira.

- Heletan apiril hondarrean, Ossau Irati sormarka eta bere ondorioak aipatuko dira.

- Bastidan, maiatz erditsutan, laborantxa biologikoa izanen da gai nagusia.

Gomitak eta data zehaztuko dira ondoko asteetan.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Laborantza  |  Ipar Euskal Herria

Laborantza kanaletik interesatuko zaizu...
2018-07-16 | Laborari
Amaia Arbeletxe: "Gauzak plazerrez eta zaldien pasioaz egiten ditut"

Izurako (Nafarroa Beherea) Latsaga etxaldean Amaia Arbeletxe eta Elisa Di Primok erabaki dute beren nekazaritza proiektua behorren inguruan antolatzea.


Maria Jesus Intxausti. Habe eta akuilu
"Nagusi baten zeregina ez da aginduak ematea"

Ur handitan telebista saioan ikusiko zenuen akaso. Guk hantxe ikusi genuen. Baina, akaso, lehenagotik ere ezagutuko zenuen jakin gabe, akaso dastatuko zenuen Lazkaomendiko Iztueta-Azpikoa baserrian ekoitzitako esnerik, jogurtik edo izozkirik. Zer behar da XXI. mendean baserriari eusteko? Zein da baserriko nagusiaren zeregina? Zer eman diote emakumeek baserriari? Horretaz guztiaz galdetu diogu Maria Jesus Intxaustiri.


2018-07-13 | ARGIA
'70. hamarkadako laborantza iraultza' aztertuko dute gaur Ainiza-Monjolosen

Mahai inguru interesgarria antolatu du gaurko, uztailak 13, Euskal Herriko Laborantza Ganbarak: Peio Iralur eta Mixel Berhokoirigoin nekazari eta ELBko sindikalista historikoek Aguxtin Errotabehere kazetariarekin batera aztertuko dute "70. hamarkadako laborantza iraultza", Iparraldeko baserri munduak garai horretan jasan zuen eraldaketa errotikakoa.


Ez naiz "anti" bat!

Ez da oraikoa, azken denbora hauetan, hartzaren aldekoen eta kontrakoen arteko auzia minberatzen ari da. Pirineetako mendietarat berriz ekarri behar dira hartzak? Baietz diote bioainitztasunaren aldekoek. Ezetz, aldiz, uda mendian iragaiten duten artzainek. Hona hemen ene ikusmoldea.


2018-07-01 | Garazi Zabaleta
Xixtroak
Asto gainetik internetera, handik etxez etxeko banaketara

Asto gainean jartzen zituzten saskiak ziren xixtroak garai batean, laborariek euren produktuak etxaldeetatik herriko merkatura jaisteko erabiltzen zituztenak. 2016tik aurrera, berriz, Lapurdin martxan duten proiektuaren izena ere bada: Hazparne inguruko hainbat laborari elkartu eta Xixtroak sortu zuten urte hartan, euren produktuak internet bidez inguruko herritarrei eskaintzeko. Orain, berritasunekin dator elkartea: arrain freskoa eskaintzen eta Baiona-Angelu-Miarritze inguruan saskien... [+]


Tokioko aireportuari 50 urtez aurre egin dioten baserritar egoskor horiek

Japonian 2020ko Olinpiar Jokoak hasterako estreinatuko ote dute Tokioko Narita aireportuaren hirugarren pista? Agintariek proiektuari ekin eta 50 urte geroago, osatu ezinik segitzen dute beren lurrari eta lanbideari uko egin nahi ez dioten baserritarren erresistentzia dela medio. Jasandako presioengatik edo diru beharragatik amore eman badute gehienek, bakan batzuek eusten diete baratzeei bizirik. Hegazkinez inguratuta aitzurrean, erresilientzian maisu.


Lur komunaletatik pribatuetara
Baserriaren sorrera ere, kapitalismoaren oinarri

Herri-lurren gainbehera, baserri “modernoaren” hedapenarekin batera eman zen, Aro Modernoan zehar. Mendiak etxez eta zereal-sailez bete ziren neurri berean galdu ziren jabetza kolektiboa, komunitateen erabakimena eta, neurri batean, baita ingurumenaren ustiapen jasangarriago bat ere. Jabetza-egitura gero eta polarizatuago bat agertzen joan zen, XIX. menderako Euskal Herri atlantikoan nagusi ziren desberdintasun sozial handien iturburu.


2018-06-04 | Laborari
Jokin Zaldunbide, laboraria Arbonan: "Uhin bat bada gauza naturalei buruz joateko"

Nekazaritzarekin zerikusirik ez duten ikasketak egin ondotik, dena utzi, laborari izateko formazio bat hartu eta sendabelarren ekoizpenean instalatu zen Arbonan alokatutako lurretan. Bere produktuak Baionako merkatuan, hiruzpalau AMAP kontsumo taldetan eta zenbait dendatan saltzen ditu.


Txina munduko soroak erosten ari da janari ekoizle handiena izateko

Txinako korporazio publiko eta pribatuek gaur egun mundu osoko hamar milioi hektarea lur lantzen dituzte. Indonesiatik Ukraina edo Frantzian barrena Boliviaraino, Txinak 2010etik 2016ra arte bostez biderkatu ditu atzerriko soro eta oihanetako inbertsioak. Pekingo gobernuaren ildo estrategiko nagusietakoa dira, bai munduko herrialde handieneko biztanlegoaren elikadura bermatzeko eta bai planetako janari ekoizle nagusi bihurtzeko datozen urteetan.


Borrokatu eta irabazi: ELBk Bidaxunen aurkeztu ditu 'kriaxera' ahatekume intsumituak legalitate osoan

Albiste ona ahate gripearen gatazkan, ELB sindikatuak zabaldu duenez. Ahateak hiltzeari uko egin eta Frantziako agintariei aurre egin ostean, Bidaxunen inguruko baserritarrak ‘kriaxera’ arrazako ahatekumez hornitzen dituen Lataillade familiak baimen eta berme guztiekin saltzen ditu berriro.


Azkenak
EGILEA
Eguneraketa berriak daude