Abadiñoko alkateak bere soldataren argazkia jarri du herriko portaletan
Jose Luis Navarro, Abadiñoko alkate independenteak bere nomina 2.796 eurokoa dela jakinarazi du. Horretarako herriko portal guztietan bere soldataren argazkia itsatsi du.
Navarro bigarren agintaldia betetzen ari da Abadiñoko Udalean maiatzaren 24ko Udal Hauteskundeak irabazi ostean. 2008an bere soldata 500 euro murriztu zuen eta ordutik “izoztuta” daukala adierazi du.
Alkatearenez gain zinegotzien soldatak Abadiñoko udalaren webgunean ikusi ahalko dira. Alkateak “gardentasuna” erakutsi nahi du iniziatiba honekin.
Berriki jakitera eman denez, Abadiñoko independenteek EAJrekin koalizioan gobernatuko dute.
Legealdiko lehen plenoetan soldaten inguruko gaiek garrantzi nabarmena izan dute. EAJk gobernatzen duen Azkoitia, Arrigorriaga eta Beasaingo alkateek beraien soldata hurrenez hurren %47, %44 eta %19k igoko dute.
Iruñean alkatetza hartu berri duen Joseba Asironek (EH Bildu) bere soldata 13.000 euro jaitsi duela adierazi du. EH Bilduk gehiengoa daukan Bakioko udalbatzan alkatearen soldata %42,5 murriztuko dutela adierazi dute.
Iñigo Urkullu EAEko lehendakariaren ustez, “sistema ez dago prestatuta” 1.080 euroko gutxieneko pentsioetarako. Baina bai, antza denez, berea bezalako soldatetarako. Ba al dakite horiek guztiek 950 euroko gutxieneko soldatarekin, 650eko DSBEarekin edo... [+]
Jaime Ignacio del Burgo PPko eta UPNko politikari ohiak hilean 3.102,65 euroko pentsioa jasotzen du Espainiako Parlamentutik, Gizarte Segurantzan inoiz kotizatu ez duen arren.
Amaia del Campo alkateak (EAJ) aginduta, Barakaldoko Udaltzaingoak 2020rako aurrekontuak onartu dituen osoko bilkura hustu du, zinegotzien eta aholkularien soldatak handitzearen aurkako protesta bat dela eta. Igoera hori onartu duten bilkura berean, Gizarte Ekintzaren... [+]
Ez gaude ohituta politikarien artean soldata murrizketak ikustera, alderantziz baizik, udal eta foru hauteskundeen, bai eta europarren eta autonomikoen ondorioz erakundeetan aldaketak dauden bakoitzean hala gertatzen da. Horregatik, justua eta beharrezkoa da Durangoko Udalak... [+]
Soldata publikoen neurriak beti eragin izan du eztabaida. “Asko al da herriko alkateak kobratzen duena?”, “gurea bezalako herri txiki batean hainbeste ordaindupeko zinegotzi, zertarako?”, “zer da soldata duina?”… hauteskundeen osteko... [+]