Hiruzpalau grebatan herri horietan kotxe-bueltan ibilita (bateko industrialdea, besteko alde zaharra, hango pabilioiak eta hemengo komertzioa), grebaren alde indartsuena ikustea tokatzen zaidala konturatuta nago. Greba denak "arrakastatsuak" izan dira zonalde honetan, lantegi mordoa dago eta denak pertsianak itxita, herriko denda denak ateak itxita...
Oraingoak zer izan du berezi? Industrialdeetan betiko moduan pertsianak jaitsita egoteaz gain, sekula baino kotxe gutxiago aurkitu ditugula kanpoan (enpresa askotan batere ez, eta beste batzutan bizpahiru). Tolosako kalean piketeek lan gehiago izaten duten hotela, okindegi bat eta dendatxo bat ere oraingoan itxita egon dira. Lanean ertzainak eta eskale bat besterik ez ditudala ikusi (zerbitzu minimotan sartzen diren farmazia eta autobusaz gain). Eta kale giroa ere erabat grebakoa zegoela: parkeak hutsik goizeko 11etan, eta jende apurra pasaeran.
Greba desitxuratzeko asmatutako zerbitzu minimoen kontu horretan ere, irekitzera derrigortu dituzten eskola eta haurreskolak hobeto sumatu ditut oraingoan. Haurreskolatik grebaren motiboak azaltzen dituen oharra jaso dugu, bukaerako paragrafoan eguerdiko manifestaziora haurrekin joatera deituz (mobilizaziotan parte hartzeko ez dagoela haurreskola erabili beharrik ulertu dut). Eskolatik ere greba egiteko erabakiaren berri eman digu oharrak, zerbitzu minimoen aipamenik gabe ("yakedagon" filosofiakoei ideiarik ez emateko).
Aurrera begira, gurasook ondo antolatzea litzateke hurrengo urratsa, esaterako, norberak idatzita eta sinatuta helaraztea eskolari bere haurra ez dela eskolara joango, beharrezkoa ez den kasuetan zerbitzu minimotan dauden langileak ere etxera joan daitezen.
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
Musika klasikoa, regetoia eta rocka gustuko ditu Jakes Txapartegi pianistak (Hondarribia, Gipuzkoa, 2009). Itsua da, musika klasikoa jotzen du eta poliki-poliki jazza eta inprobisazioa ikastea gustatuko litzaioke. Etxean zuen teklatuarekin Pirritx eta Porrotxen “Maite... [+]
Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]