97.0 Bilboko irrati libre berria, presarik gabe baina irmo

  • Bilboko 97.0 irrati libreak Tas-Tas irratiaren lekua hartu du. Alde Zaharrean estudio txiki bat lortu du.


2014ko otsailaren 19an - 00:00
Azken eguneraketa: 2015-02-26 13:37:33
Bilboko 97.0 irrati libre berria

Tas-Tas desagertutako irratiaren antzera, Gasteizko Hala Bedi irratiarekin senidetuta dago irratia. Hain justu, Hala Bedin elkarrizketa egin diote proiektu berriko ordezkari bati.

“Proiektuarekin hasi eta egun gutxitara helburua bete dugu, irratiaren errepikagailua ia guztiz finantzatzea lortu dugu”, dio Paco izeneko irratiko kideak. “Jendea proiektu berrian parte hartzen ari da, bazkide egin dira eta kuota hauekin errepikagailuak dituen gastuak eutsi ditzazkegu”.

Egitasmoaren lehenengo helburuak betetzen doazela azaldu du Pacok. “Pauso txikiak ematen ari gara. Estudio txiki bat lortu dugu Bilboko Alde Zaharrean eta lehenengo grabaketak egin ditugu jada. Estudioa martxan dagoela esan genezake beraz. Programazioa Hala Bedi irratitik bidaltzen dizkiguzuen grabazioekin bete dezakegu”.

Nahiz eta gauza asko egiteko dauzkaten, presarik ez dutela azaldu dute. “Urrats zuzenak eman nahi ditugu, gauzak ongi egiteko: nahi dugun irrati mota diseinatzen joan, nola antolatu nahi dugun erabaki...”.

Edozein gerturatu daiteke irratira ideia berriak ematera. “Proiektua guztiz irekia dago. Ostegunero Alde Zaharreko La Bolsa eraikinean bilera publikoak egiten ditugu eta edozein bertaratu daiteke ekarpenak egitera”.


Irakurrienak
Matomo erabiliz
#1
Gorka Bereziartua
#3
AEK koordinakundea
#4
Ruben Sánchez Bakaikoa
#5
Azoka
Kanal honetatik interesatuko zaizu: Irrati libreak
2023-11-20 | ARGIA
Hala Bediren web orria martxan da berriz ere

Ikasturtearen hasieran zibereraso bat jasan eta hainbat astez webgunea berreskuratzeko lanetan jardun ondoren, bueltan da Hala Bedi irratiaren web orria. Dagoeneko hasi dira ohiko edukia argitaratzen: Arabako aktualitate albisteak, magazinen edukiak, irratsaioen podcastak,... [+]


2023-08-17 | Hala Bedi
Hala Bedi Irratiak 40 urte bete ditu

Hala Bedi Irratiak 40 urte bete dituela ospatu zuen abuztuaren 6an, lau hamarkada lehenago lehen irrati emisioa egin zuen egun berean.


Arrosa Sarearen X. Topaketak Oreretan egingo dituzte, irrati libre euskaldunen bozgorailu

Martxoaren 4an, Oreretan egingo ditu Arrosa Sareak aurtengo Topaketak, bertako Zintzilik irrati librearen eskutik. Elkarrekin egoteko parada izateaz gain, “gure presentzia aldarrikatzeko” eguna ere izango da, Aitziber Zapirain sareko kideak ARGIAri kontatu dionez.


Eguneraketa berriak daude