72 diputatu independentistek lehendakaria batzarrean hautatzea proposatu dio Masek CUPi

  • Aurreikusia zegoen bezala, CUPek hitza bete du eta ez dio sostengurik eman Artur Masi Kataluniako Parlamentuak Generalitateko presidentea hauta dezan. Ostegunean egingo da berriz bozketa Legebiltzarrean.


2015eko azaroaren 10an - 19:38
Antonio Baños eta Artur Mas Kataluniako Legebiltzarrean.

Asteartean gehiengo osoa behar zuen Masek hautatua izateko, baina ostegunean gehiengo osoa bakarrik beharko du. Horretarako, baina, CUPeko bi diputaturen botoa beharko du eta Antonio Bañosek argi utzi dio egoera Masi: "Tripulazioa baduzu, baina ez zara kapitain gisa aterako hemendik. Itzuli ostegunean".

CUPek egindako pertsonalismo akusazioei erantzunez, Masek esan du ez dagoela horrelakorik eta bi adibide jarri ditu. Bata, bera laugarrena izan zela Junts Pel Síren hautagaitzan; bestea, irailaren 11n egindako manifestaziooak: "bihotzak eskatzen zidan horietan egotea eta ni ez nintzen joaten. Ostegunean itzuliko naiz, bai, eta zuek erabakiko duzue".

Asteazkenekoak bi ezusteko nagusi eman ditu, osoko bilkura hasi aurretik CUPeko diputatu Benet Salellasek iragarri baitu Raül Romeva proposatuko zutela Generalitateko lehendakari gisa, eta honek, hedabideei egindako adierazpenetan hautagaia Mas zela berretsi du, baina ez dio ate guztiz itxi bera izateari ere.

Osoko bilkuraren amaieran Masek jaurti dio proposamena CUPi: "Proiektu independentistarekin aurrea egiteko 72 boto gaudela diozue. Hortaz, zergatik ez gara biltzen horiek guztiak eta bozkatzen dugu nor izango den gobernuko presidentea?". Eta CUPeko bozemaile Antonio Bañosek, JxSí-ko guztiek bera bozkatuko ez luketela aditzera emanez, horretarako prest direla erantzun dio, "baldin eta bozketa sekretua baldin bada".

Eguneko gertakizun nagusia CUPeko eserlekuetatik etorri da, Xavier García Albiol PPko bozemailearen hitzaldiari ironiaz betetako txalotu zaparrada sutsua eskaini diotenean, legebiltzarkide guztiak ezustean harrapatuz, baita PPko buruzagia ere.


Kanal honetatik interesatuko zaizu: Katalunia independentziarantz
Junts-PSOE akordioa
Amnistia legea eta negoziazio mahai berria, legealdi akordioaren truke

Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.


'La Directa' babestu dute ARGIAk eta beste hainbat hedabidek: "Kazetaritza ez da terrorismoa"

La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]


La Directako kazetari bat ere "terrorismoagatik" inputatu dute Tsunami Demokratikoaren auzian

Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]


Puigdemont eta Rovira inputatu ditu Auzitegi Nazionalak Tsunami Demokratikoagatik

Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.


Jordien indultua egokia dela onartu dute eta Miquel Buch kontseilari ohia lau urtera zigortu

Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]


Eguneraketa berriak daude