Mahai inguru interesgarria antolatu du gaurko, uztailak 13, Euskal Herriko Laborantza Ganbarak: Peio Iralur eta Mixel Berhokoirigoin nekazari eta ELBko sindikalista historikoek Aguxtin Errotabehere kazetariarekin batera aztertuko dute "70. hamarkadako laborantza iraultza", Iparraldeko baserri munduak garai horretan jasan zuen eraldaketa errotikakoa.
Aguxtin Errotabeherek bi liburutan aztertua du Iparraldeko landa eremuaren transformazioa 1960-1970ko hamarkadetan, Johañe Pitrauren biografia egitean lehenbizikoz eta ondoren Jean Errekartez plazaratu duenarekin. Peio Iralur eta Mixel Berhokoirigoin laborari erretretadunak urte horietan nekazaritzak ezagututako mutazioa barnetik bizituak dira eta protagonismoa eduki dute ELB sindikatuaren sorrera eta garapenean bezala Euskal Herriko Laborantza Ganbararenean, orobat baserritarrek beren ofizioa eta etxaldeak bizirik atxikitzeko eraiki diren beste hainbat egituretan.
Hiru hizlarien artean ostiralean, 13, iluntzeko 20:30etan hasita aztertuko dute "70. hamarkadako laborantza iraultza": 1960-62. urtetako laborantza norabide legeak, PAC laborantza politikaren plantan ezartzea, 68ko maiatzak laborantza baitan izan duen eragina, JAC mugimenduaren rola, baita Errecart eta Pitrau bezalako pertsonak ere Euskal Herrian…
Mintzaldia euskaraz iragartzen da eta zuzeneko itzulpena segurtatu dute frantsesera.
Apirilaren 13an egitarau indartsua prestatu dute Berangoko Otxantegi Herri Lurra proiektuaren II. urteurrena ospatzeko. Apirilaren 18an, aldiz, bigarren desalojo saiakeraren mehatxua izango dute gainean eta herritarrei dei egin diete proiektua defendatzera joateko. Kideetako... [+]
Hamar urte baino gehiago daramatza martxan Arabako Nekazariak Eskolan proiektuak, Hazi fundazioak zenbait ekoizlerekin elkarlanean bultzatzen duena. Haur eta gaztetxoak nekazal mundutik geroz eta deskonektatuago bizi diren garaiotan, inoiz baino beharrezkoagoa da elkar... [+]
Nafarroako sektore ekologikoa egonkor mantendu da azken urtean eta nekazaritza ekoizpena %5 handitu da. Nafarroako Nekazal Produkzio Ekologikoaren Kontseiluak erronka du 2030. urterako: lurren %25 ekologikoa izatea. "Bide horretan ari gara lanean, ahalik eta nekazari eta... [+]
Aste honetan sortu da elkartea eta datorren astelehenean, hilaren 18an, laborarien sindikatuek Jose Mari Aierdi kontseilariarekin izango duten bileran egongo da.
Gorantz egiten ari da nekazaritza ekologikoko eredua Araba, Bizkaia eta Gipuzkoan, Ekolurra Kontseiluak baieztatu duenez, baina Europako Itun Berdeak 2030erako helburutzat duen %25etik urrun dago oraindik.