70 gune baino gehiagorekin, Gasteizko kultur alternatiboaren mapa egin dute
“Zenbat dira Gasteizen kultura sortu, kultura sustatzen duten guneak?”, galderari erantzuteko abiatu zuten Orainaldia proiektua. Kultura alternatiboa sortu eta sustatzen duten 70 gune inguru zerrendatu eta story-map batean kokatu dituzte.
Iñaki Landak egin zion bere buruari galdera hori. Zabaldu duten idatzian diote gozotegien, pintxo ederren eta jatetxe eleganteen mapak badirela, baita instituzioek eskaintzen dituzten kultur eskaintzen mapak ere, baina kultur alternatiboaren maparik ez.
“Kontzertuak, zuzeneko emanaldiak, arte erakusketak nonahi egiten zirela ikusten nuen. Agenda leporaino betetzeko aukera eskaintzen digun egitarau ez ofiziala zegoela ikusi eta horri forma ematea erabaki nuen”, azaldu du Landak.
Dagoen eskaintzaren oparotasuna ikusita, pertsona bakarrak mapa guztia egitea ezinezkoa zela ondorioztatu zuen Landak, eta auzolanari ekiteko Orainaldia proiektua sortu zuten.
Mapa egiteko “eskuzabaltasunez eta malgutasunez” jokatzea erabaki zuten, kultura ez delako “matematika”. Kultur ekimenak “antolatu, sustatu eta laguntzen dituzten guneak” sartzea erabaki dute, eta mapan egoteko, guneak leku publikoa izan behar du, besteak beste. Hala, Zuloa, Monstrenka, Errekaleor eta gaztetxea bezalako 70 gune baino gehiago jarri dituzte mapan.
Mapatik haratago
Mapa telefonoentzako app bilakatzeko asmoa dute “kultura agenda” sortzeko. Baina behin proiektuarekin hasita, erabaki dute ez mugatzea story-mapera. Gasteizko gazte sortzaileen istorioak kontatzea erabaki dute, eta dokumentala egiten ari dira.
Hona hemen mapa:
Madrilgo queer mugimenduan kokatzen nuen taldea, eta orain gutxi bere esentzian –zuzenekoan– ezagutzeko aukera izan nuen. Orduan jakin nuen Argentinan jaio baina gaztetan Madrilera joandako Belenek (ahotsa eta gitarra) sortu zuela taldea, eta Mariarekin (bateria eta... [+]
Baltimore ibai gaineko zubiaren erorketa urte bukaerako oroimeneko irudien artean jasoko da, zubi baten erorketa ikuskizun zirraragarri eta salbuespenekoa baita. Zeren eta zubiak eta eraikinak ez dira berez erortzen, lehergailu edo artefaktu baten eztandak bat-batekotasunaren... [+]
Eguzkiarekiko gertutasunak moldatu egin ei du Lurrak duen abiadura, eguzkia inguratzeko mugimenduan. Beste abiadura batzuk ere badira, ordea, eta balirudike lurraren abiada gero eta azkarragoa dela edo, bederen, aldaketak etengabean ditugula orpoz orpo jarraika. Egoera honetan,... [+]
Martxoan Iruñean egin zen liburu denden kongresuan ezagutu nuen Elisabeth sortzaileen lana pasioz defendatzen Adimen Artifizial sortzailearen aurrean. Handik gutxira elkarrizketa egiteko gelditu ginen Bolognako Liburu Azokara eta Kolonbiara joan aurretik. Aitortzen dut... [+]
