600 euroko isunak polizia bat agertzen den bideo batean "atsegin dut" sakatzeagatik

  • Mozal Legea aplikatu zaie Santiago de Compostelako polizia bat agertzen den bideoan “atsegin dut” sakatu edo iruzkinak jarri dituztenei. “Edukiak sustatzea eta polizia irrigarri uztea” egozten zaie.

Ane Eslava Serrano @eslavaane
2017ko otsailaren 17a
Mozal Legearen aurkako manifestazio bat

Bideoan polizia bat agertzen da, ustezko delitugile bat atxilotu nahian, arrakastarik gabe. 17.000 aldiz erreproduzitu dute, 300 aldiz partekatu eta “poliziaz barre egiteko iruzkinak” idatzi dituzte. Protagonistak salaketa ipini zuen iazko azaroan, bideoa grabatu duen pertsonaren aurka. Baita edukia sareetan zabalduz biral egin dutenen aurka ere. Orain, 600 euroko isuna jasoko dutela jakinarazi zaie, 37.4 artikulua urratzeagatik. Bideoaren egilearentzat, ordea, isuna 30.000 eurokoa izango da, nor den jakinez gero.

Salaketaren arabera, bideoaren hedapenak poliziaren segurtasun pertsonala zein familiarena arriskuan jartzen du. “Atsegin dut” sakatu dutenei “edukien sustatzaile” izatea egozten zaie eta iruzkinen egileei “poliziaren ahalmena zalantzan jartzea eta irrigarri uztea”.

Egunean 30 bat pertsona zigortzen dituzte Espainiako Estatuan Herritarren Segurtasunerako Legearen bitartez polizia-agenteen aurkako “errespetu faltak” egiteagatik, eldiario.es-ek jakinarazi duenez.

Lege hau 2015eko matxoan onartu zen oposizio osoa kontra egon arren. Harrezkero polemikak ugariak izan dira. Jorge Fernández Díaz orduko Barne Ministroak ziurtatu zuen “denbora pasa ahala, zalantzak edo kritikak deuseztatu” egingo zirela, baina kalean zein sare sozialetan Mozal Legearen aurkako aldarrikapenak ugariak izan dira, eta azaroan Espainiako Diputatuen Kongresuak berak legea indargabetzeko mozio bat onartu zuen.

Kanal honetan artxibatua: "Mozal legea"ren mehatxua

"Mozal legea"ren mehatxua kanaletik interesatuko zaizu...
'Errepresio politikoa gaur egun' mahai ingurua egingo dute Tafallan

Arrazoi ezberdinengatik inputatutako lau lagun izango dira hizlariak: Tafallako brindiseko Oier Araiz, Alfredo Ramirez txiolaria, Altsasukoak Aske herri plataformako kideak eta Axier Lopez ARGIAko kazetaria.


EAJk eta PSOEk Mozal Legearen aurka egindako lege proposamenak onartu ditu Espainiako Kongresuak

Mozal Legea aldatzeko EAJk eta PSOEk aurkeztutako lege proposamenak onartu ditu Espainiako Kongresuak. Testuak orain Barne Batzordean aztertuko dituzte, legearen aldaketa martxan jartzeko. Jeltzaleek legearen erreforma proposatu dute eta sozialistek, berriz, indargabetzea.


2017-03-22 | Xabier Letona
"Aldaketa gutxi" EAJren eta PSOEren erreforma proposamenetan

EAJren eta PSOEren eskariz, Espainiako Kongresuak erreformatu egingo du Mozal Legea. PPk iragarri du ez dagoela ados erreformarekin, baina negoziatzeko prest dagoela, eta gertuago dagoela EAJren proposamenetik PSOErenetik baino. Hemen No Somos Delito plataformatik erreformaz egindako irakurketa.


2017-03-22 | Axier Lopez
Indargabetu arte, Mozal Legea ez aplikatzeko eskatu du Eleak/Librek

Eleak/Libre mugimendua oso kritiko azaldu da EAJk eta PSOEk Mozal Legea aldatzeko atzo Madrilen aurkeztutako lege proposamenekiko. 2015ean PPk bakarrik onartu zuen Mozal Legea indargabetzeko "Madrilgo Diputatuen Kongresuan zegoen aukera" zapuztu dutela salatu dute.


2017-03-21 | Xabier Letona
EAJ and PSOE's attempts at reform "to leave the law as it is"

We will examine EAJ and PSOE's proposals for reforming the Citizen's Security Law – the Muzzle Law – in the following lines. As well as the the initiative against it taken by the Eleak-Libre organization.


2017-03-19 | Axier Lopez
Isiltzen denak zorionik ez du

Urtebetez Mozal Legeari eta haren izenean Espainiako Gobernuak ezarri zigun isunari aurre egin izanak emaitza garrantzitsua ekarri du. Kazetaritzarekin lotutako lehen auzian Mozal Legeak atzera egin du. Eskubide urraketen aurrean isilik ez geratzea hautatu dugunok, irribarre txikia ezpainetan, informatzeko eta eragiten jarraitzeko beste arrazoi bat irabazi dugu.


2017-03-19 | Xabier Letona
EAJ eta PSOE-ren erreforma saioak "legea berdin uzteko"

EAJk eta PSOEk Herritarren Segurtasunerako Legea –Mozal Legea– erreformatzeko egin dituzten proposamenak aztertzen dira ondorengo lerroetan. Eta Eleak-Libre erakundeak lege honen aurka egiteko bideratuko duen ekimena.


2017-03-14 | Joseba Alvarez
Autodefentsa

Errepresioak ibilbide luzea eta forma ezberdinak izan ditu eta ditu Euskal Herrian, borreroak mila aurpegi dituelako. Halere, beti izan du ezaugarri historiko bera: Euskal Herriaren eta euskal herritarron Eskubide Zibil eta Politikoen, Ekonomiko eta Linguistiko-Kulturalen, etengabeko urraketa eta ukazioa.


2017-03-13
Polizia grabatzearen balioa
MULTIMEDIA - erreportajea

Poliziaren gehiegikeriak ezkutuan gelditu ohi dira askotan, eta horrek inpunitatez jokatzera bultza ditzake indar armatuak. Grabatzearen balioa azpimarratu nahi izan dugu Argia, Ahotsa, Ekinklik, Hala Bideo, Topatu eta Eleak/Libre mugimenduak elkarlanean egindako hirugarren bideo honetan.


Azkenak
EGILEA
Eguneraketa berriak daude