50x70: Zumaiako zentsuraren neurriak

  • Ez dakigu udal gobernu hau adierazpen askatasunari neurria hartu ezinda dabilen edo gu, herritar eta eragileak gabiltzan udal gobernu honen erabakiei neurria hartu ezinda.

Kalea guztiona da
2016ko abuztuaren 23a

Zumaiako alkatea nonbait konturatu da kartel, pankarta eta abar erabat debekatzea ezinezkoa dela eta estrategia aldatzea erabaki du. Herrian zehar jarri diren kartelentzako dozenaka panel berriak dira horren froga.  Halere, herritarren adierazpenerako lekuak eskaintzea onuragarria bada ere, berriz agerian geratu dira kartel, pankarta eta kartelen auzian udal gobernuaren egiazko asmoak: agintea eta kontrola.

Agintea

Panelen kopurua, beren tamaina, kokalekua, diseinua, arauak... Hori dena, gehienez, sei lagunen artean erabaki dute, udal gobernuaren ardura duten sei zinegotziek. Gai hau denoi eragiten digun kontua izanik ere, herrian polemika handia piztu duena, erabakiak herritarren eta eragileen bizkarrera hartu dituzte. Egun batean esnatu eta herria panelez josita topatu dugu. Eta kito. Ez bazaizu gustatzen, hor konpon. Hori agintekeria da. Politika egiteko era zaharkitua.

Kontrola

AEBtako indioentzat ghettoak egin zituzten (erreserba deitu zioten), gobernuak beraiek kontrolatzea errazago izateko. Haien ahotsak jendearengandik urruntzeko. Bada, Zumaiako alkatea bide beretik doala dirudi. Muralak (Erribera kalean 11 zentsuratu dituzte honezkero), pegatinak eta pankartak debekatu dituzte eta kartelentzat ghetto kontrolatuak sortu dituzte. Panel horietatik kanpo dagoen oro zentsuratuko dute. Bide horretatik jarraituz gero, hurrengoa zer izango da? Madrilgo Esperanza Agirrek proposatu zuen manifestodromoa, akaso?

Baina paneletan jarriko diren kartelentzat ere badira debekuak. 70x50 cm-tik gorako kartelak ez dituzte onartuko eta kenduko dituzte. Zertan oinarritu da alkatea neurri horiek ezartzean? “Estetika” kontuak akaso? Garai bateko zoritxarrezko 90-60-90 bezala? Nork erabaki ditu neurri horiek? Zer parte hartze prozesu egon da debeku hau erabakitzerakoan?

Gutxi batzuen kontrolpean mantendu nahi dute gai hau, eta horregatik politikari gutxi batzuek bilera batean erabakitako neurria izan da, inolako oinarririk ez duena. Eta herritarroi, beste behin ere, azalpen bakar bat ez zaigu eman.

Hitzez Mozal Legea arbuiatzen duen udal gobernu honek ez dio praktikan adierazpen askatasunaren gaiari neurria hartzen, eragile eta herritarrekin hitz egin beharrean inorekin adostu gabeko erabaki zentzugabeak hartzen jarraitzen du. Noiz arte horrela? Atera zuen gotorlekutik, jaitsi kalera eta egin politika. Egiazko politika. Herritarrekin batera egiten dena.

Kalea Guztiona Da
Zumaiako 33 talde eta sindikaturen babesa du ekimenak

Artikulu hau Baleikek argitaratu du eta CC-by-sa lizentziari esker ekarri dugu ARGIAra


Iritzia kanaletik interesatuko zaizu...
2018-06-24 | Jon Torner Zabala
Umorea eta botere harremanak
Irriak norabide berean kolpatzen duenean beti...

Zer da umorea? Galdera inuzentea dirudiena korapilatu daiteke nahi bezainbeste. Zergatik egiten dugu barre gauza batzuen inguruan eta besteez ez? Natural ateratzen zaigu irria, ala zer eta noren gainean barre egin irakatsi egin digute?

Umoreak ia beti egiten baitu boterearen alde, goitik behera maiz. Nor den subjektua eta nor objektua. Nork nori. Horra gakoetako bat. Generoa, arraza, identitatea, naziotasuna… umoreak ditu hierarkiak markatzen. Naziotasun-identitateari heldu diogu... [+]


Ilusioak, utopiak

Utopikoa nintzelako, selektibitatearen aurka nengoen 1982. urtean azterketa hura egitea egokitu zitzaidanean. Orduan ere Unibertsitatera joateko ezinbesteko baldintza zela uste dut, baina ez dut ondo gogoratzen zertarako. Izan ere, garai hartan numerus clausus zer zen ere ez nekien –edo ez nuen jakin–, eta kazetaritza ikastera ehunka sartu ginen lehenengo mailan, bostehun edo. Horietatik hamabost “euskal taldea” deitzen genuen separata batean: ikasgai batzuetan... [+]


2018-06-24 | June Fernandez
Indarkeria birtualak

Ez naiz psikologian aditua, baina badakit bidegabekeriak eta biolentzia normalizatzea norbanakoaren babes mekanismo bat dela. Ezkertiarrak eta konprometituak izan gaitezke, hala ere, indarkeriaren bat normalizatzeko “beharra” izango dugu. Gaza, Nikaragua, ez ahaztu Siria. Altsasuko gazteak, Valtonic, La Manada, Helena Maleno, Proactiva Open Arms, Mame Mbaye, Huelvan marrubiak biltzen dituzten langileak. María del Sol Cruz Jarquín argazkilaria hil dute Mexikon... [+]


2018-06-24 | Ainhoa Azurmendi
Norberaren kirol lorpenetan familia agertzea

Orain bizpahiru urte Kilian Jorneten biografia irakurtzen ari nintzela, memento batean bere gorputza muga eta muturreraino eraman zuen proba batean, amore ematear zegoela, bere barne-pentsamenduak azaltzen zituen: “Amaitu behar dut, nire familiagatik” –helmugan zain zeuden–. Nire lehen hausnarketa: “Baina familiak zer eskatu dizu ba? Norena da behar hori? Zer da zehazki demostratu behar dena?”. Zer pentsarazi eman zidaten hitz haiek. Norbere kirol lorpenetan... [+]


Errepresioaren dimentsio neurtezinak

Notre-Dame-des-Landesko ZADen, jendarmeen eta ekintzaileen arteko istiluetan, gazte batek eskua galdu zuen. Anputatua, guztiz, poliziak legalki erabiltzen duen granada batek lehertua. Burura etorri zitzaidan zeinen zaila izan daiteken erantzukizuna bere tokian kokatu eta mantentzea: zer egiten nuen nik istilu haietan, jakin behar nuen non sartzen nintzen, ez nuen arriskua ondo neurtu.

Iruñeko istiluetan iaz atxilotutako Oreretako gazteek gauza bera pentsa dezakete. Are zamatsuagoa... [+]


2018-06-24 | Karmelo Landa
Ekaineko hamaika egun edo politikaren zingoa

Itsaskirria nabarmendu da politikaren eremuan ekaineko lehen hamaika egunetan, ohikoa baino aldakorrago jo duten haize boladen eraginez, baina ur sakonetan murgildurik, zaila eta nekosoa da politikagintzaren ur abisaletan gertatzen ari diren mugimenduak ezagutzea eta neurtzea. Nekosoa bezain beharrezkoa.

Ekainaren hasierarekin batera gertatu zen lehen ustekabea: garaile atera zen zentsura mozioa, eta ondorioz, Mariano Rajoy eta PP Espainiako Gobernutik egotziak izan ziren, azkenean. Inork ez... [+]


Fauna publikoa
Erregimenaren tenperatura

Kaleko mobilizazioak zerbaiten termometro badira, UPNren tenperaturak baxu xamar egon behar du, berri txarrak jasotzen ari baita azkenaldian: asteburuan milaka lagun elkartu dira Iruñean Altsasuko gazteen aurkako sententzia arbuiatzeko eta muntaia polizial-mediatiko-judiziala salatzeko. Beste sententzia batek, 2016ko Sanferminetako talde bortxaketaren kasukoak, milaka lagun atera zituen Iruñeko kaleetara aurtengo apirilean eta haserrea metropoli foraletik askoz harago sumatu zen.


2018-06-18 | Jean Louis Davant
Demagogiari ezetz

Behin, badu jada builta bat, ahatzerik düt noiz ote xüxen, urteak hain zalhe beitoatza, Donapaleuko klinikan nor gure aldiaren haidürü ginaudelarik barber baten bortan, ene adintsüko jente batekin elerran nüan. Gaztaroan denbora batez Amerikako Estatü Batüetan egonik zen. Laster, ez dakit zer gisaz, etorkinen aipatzera jin ginen, eta haiez gaizki erraiten hasi zeitan.


Altzako egoera urbanistikoa, eraikuntza berri bat

Azken hilabete honetan jakin dugu Donostiako Udalak Uliako Viveros-eko eremuan etxebizitzak eraikitzeari uko egin diola eta bizilagunen elkarteak hiri-parkea bezala sailkatua izan dadin eskatzen duela. Uliako herritarrak zoriondu besterik ezin dugu egin aipatu eremua babestea lortu dutelako. Eta guk inork baino hobeto dakigu zein zaila den hori, azken batean Altzan 18 urte daramatzagulako Auditz-Akular eremuan parkea egin dadin eskatzen eta oraindik ez dugu lortu.


Azkenak
EGILEA
Eguneraketa berriak daude