Osasun arloko hogeita hamar aditu inguruk eta giza eskubideen aldeko elkarteek txostena aurkeztu dute Madrilen, 45 euskal herritarren tortura salaketak oinarri hartuta. Espainiako Estatuan eta zehazki Euskal Herrian torturaren existentzia egiazkotzat jo dute. Istanbulgo Protokoloaren arabera egin dute ikerketa
Inkomunikazioa eta tortura, Istanbulgo Protokoloan oinarritutako analisi egituratua izena jarri diote hainbat mediku, psikologo eta psikiatrek egin duten txostenari. 45 euskal herritarrek inkomunikazio aldian egindako tortura salaketak aztertu dituzte, eta ondorioztatu guztiak “sinesgarriak eta egiazko kontakizunak” direla.
Istanbulgo Protokoloa tratu txarrak eta tortura ikertu eta dokumentatzeko gidalerro mediko eta psikologikoen multzoa da. Horretan oinarrituta osatu dute txostena, testigantzetan esanak, emozionalki azaltzeko moduak, medikuen informeak eta diagnostiko klinikoak bat egiten dutela frogatuta.
Ikerketak helburu bikoitza izan du: Istanbulgo Protokoloaren emaitzak frogatzat balio dezaketela erakustea eta tortura salaketak ETAren aginduz egin direla eta benetakoak ez direla gezurtatzea.
Instituzioei erantzukizun eske
Gertatutakoa aitortzeko eta torturaren aurka jarrera irmoz borrokatzeko eskatu diete instituzioei txostenaren egileek. Halaber, biktimen erreparazioaz arduratu eta Euskal Herrian gertatutakoaz hitz egitea ahalbideratuko duten espazio sozialak eraiki behar direla adierazi dute.
Madrileko La Paz ospitaleko psikiatra Pau Perezek azaldu du egindako dokumentazio-lana legez balizkoa dela eta biktimek torturengatik kausa judiziala berriz irekin nahiko balute erabilia izan daitekeela.
1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]
Torturapean hil zuten zizurkildarra gogoratzeko ekitaldia egin dute igandean. Tortura aitortu eta erreparatzeko bitarteko gehiago eskatu dituzte.
Euskal Herriko Torturatuak Saretzeko Talde Sustatzaileak aurkezpen agerraldia egin du Bilbon. Torturatu guztiak batuko dituen sare bat osatzeko lan egingo dute, eta topaketa bat iragarri dute urtebete barrurako. Torturaren aitortzan torturatuak agente aktibo izate aldarrikatu... [+]
1999ko martxoan Aiztondo bailaran jazotako gertaera latzak ez ziren eraso isolatuak izan, Espainiako Estatuak Euskal Herriaren aurka emandako beste urrats errepresiboaren zati baizik. “Todo es ETA” (Dena da ETA) doktrinaren menpean, atxilotu eta inkomunikaziopean gu... [+]