40.000 pertsona bildu dira Lekeition euskal eskola publikoaren alde

  • Euskal eskola publikoa hezkuntza sistemaren erdigunea izatea aldarrikatu zuten EHIGEko kideek.

Asier Gonzalez de San Pedro @asiertxiki98
2018ko ekainaren 04a
27. jaiaren hasiera ekitaldia (Argazkia: EHIGE)

40.000 pertsona bildu ziren atzo Lekeition Eskola publikoaren 27. jaia ospatzeko.  “Zapran Gagoz” lelopean ospatu zuten jaia eta hurrengo urteko antolatzaileari eman zioten lekukoa, Errenteriari.

Egun osoko egitaraua prestatuta zegoen eta hainbat ekintza egon ziren, ume eta gazteei bideratutakoak batez ere: Pirritx, Porrotx eta Marimotots, ohial akrobazia tailerrak, kontzertuak…

Aldarrikapenak ere egon ziren. Ana Puentek, EHIGEko buruak, Eskola publikoak hezkuntza sistemaren ardatz izan behar duela adierazi zuen, euskara eta kalitatezko irakaskuntza bat bermatzen duelako. EHIGEk hezkuntza sistemaren diagnostiko sakona egitea eskatzen du eta eskola  publiko eta kontzertatuen finantzazio sistema berri bat sortzea.

Antolatzaileek balorazio oso positiboa egin zuten eta uste baino jende gehiago gerturatu dela adierazi zuten. Arratsaldean eguraldiak txarrera egin arren, ez zen eragozpena izan egitarauarekin jarraitzeko.

Kanal hauetan artxibatua: EHIGE  |  Lekeitio  |  EHIGE

EHIGE kanaletik interesatuko zaizu...
2017-06-05 | Xalba Ramirez
Eskola publikoak josten duena ez dezala segregazioak eten

Aniztasunaren balioak azpimarratuz ospatu dute “Josi ta josi” lelopean Euskal Eskola Publikoaren 26. festa Gasteizen. Eskola Publikoak duen gizarte kohesiorako funtzioa balioan jarri dute, baina neurriak eskatu dituzte erronkei modu egokian aurre egiteko.


Errektoretzarako hauteskunde egunean Leioa "ikasle haserrez" betetzera deitu dute

"Azaroaren 24an, EHUko errektoretzarako hauteskunde egunean, Leioako campusa ikasle haserrez beteko dugu –iragarri dute Ikasle Abertzaleek–, EHU instituzio burges eta zapaltzaile gisa errefusatzen dugula argi adierazteko, eta ikasle boterearen artikulazio bidez sortzen ari garen kontra-botere espazioetatik herri langilearen mesedera egongo den jakintza eraikitzen hasiak garela aldarrikatzeko".


Lurdes Imaz, EHIGE
"Gurasoek eskolako erabakietan esku-hartze handiagoa dutenean, ikasleek emaitza hobeak dituzte"

Euskal Eskola Publikoaren Jaia ospatuko dute Elgoibarren, ekainaren 7an. Hezkuntzak bizi dituen garai arantzatsu hauetan gurasoek duten rola, parte-hartzea eta erantzukizuna izan ditugu hizpide Lurdes Imaz Euskal Herriko Gurasoen Elkarteko bozeramailearekin (EHIGE).


Azkenak
EGILEA
Eguneraketa berriak daude