Euskal armadak oso gutxitan izan zuen jite erasotzailea. Legutiano hartzeko burutu zuen erasoaldi antzua kenduta, bakanka egokitu zitzaion aurrera egitea lurrak edo helburu militarrak eskuratzeko eta gerrak iraun zuen bitartean, ohikoena defentsari eustea izan zen. Erasoaldi bakan horietako bat Santander eta Asturiasko errepublikanoekin batera egindakoa dugu, Asturias aldean 50 egun iraun zituena.