33.000 lagun desagertu dira hamar urtean Mexikon

  • 2007 eta 2017 urteen arteko datu ofizialen arabera, "aurkitu gabeko" 33.482 lagun daude Mexikon. Alegia, egunean hamar lagun desagertu ziren batez beste. Gazteak dira gehienak.

ARGIA @argia
2017ko irailaren 19a
2014ko irailaren 26an eskola normalistako 43 ikasle desagertu ziren, poliziak atxilotu eta gero. Gurasoek salatu dute Estatuak ez duela gertatutakoa argitzeko nahikoa borondaterik agertu. (Arg.: La Tinta)

La Jornada egunkariak nabarmendu duenez, kasu horien guztien artetik, estatu mailako prokuradoretza eta fiskaltzen esku daude 32.277, eta PGR Errepublikako Prokuradoretza Nagusiaren esku 1.205. Mexikoko Botere Betearazle Federalaren menpe dago PGR erakundea. Duela ia hiru urte Igualan desagertu ziren Ayotzinapako 43 ikasleen kasuak egin zuen ezagun PGR, eman zituen azalpen eta datuak gezurtatu egin zituztelako zenbait erakunde independentek, La Tinta agerkariak nabarmendu duenez. 

Hain justu, Ayotzinapako ikasleen gurasoek salatu dute lau ikerketa-lerro berri ari dela zangotrabatzen Gobernua. Besteren artean, Mexikoko Armadako 27. Infanteria Bataloiko soldaduen kontrako ikerketa abiatzeko eskatu dute gurasoek, 2014ko irailaren 26tik 27rako gauean, ikasleak bahitu zituzten leku ia guztietan zeudelako soldaduak. Gaztelaniazko Wikipediak informazio ugari jaso du Ayotzinapako gatazkaz.

Kanal hauetan artxibatua: Errepresioa  |  Mexiko

Errepresioa kanaletik interesatuko zaizu...
2017-11-19 | Xabier Letona
Herrira auzia: 600 urteko kartzela eskaera presoak babesteagatik

EPPK-ko presoak defendatzea arriskutsuagoa da XXI. mendeko Espainian frankismo gorrian baino. Edo haien aldeko lan politikoa egitea, haien eskubideez arduratzea edo beren senideak diruz babestea. Salbuespenezko dena da ETA doktrinak bizi-bizi dirau.


2017-10-30 | Andoni Mikelarena
Hamabi gaztek Espainiako Auzitegi Nazionalean deklaratuko dute gaur

Hamazazpi gazte daude guztira auzipetuta Iruñean martxoan egin zen “Errepresioari Autodefentsa” manifestazioaren harira. Horietatik hamabik Espainiako Auzitegi Nazionalean deklaratuko dute gaur. Beste bostak adingabeak dira.


2017-10-29 | Ane Irazabal
Drogaren aurkako gerraren izenean

Rodrigo Duterte presidenteak zin egin zuen Filipinetako txoko guztiak “garbituko” zituela. Esan eta egin. Droga kontsumitzeaz eta saltzeaz susmagarri ziren 12.500 pertsona hil dituzte jada indar paramilitarrek.


"A por ellos"

Gasteizen, erregimenarentzat arriskutsua zen mugimendu asanbleario bat zapaldu nahi izan zen eta herri osoa atera zen kalera 1976an.  Katalunian ere egungo erregimena kinkan jarri du prozesu independentista transbertsal eta zabalak.


Azkenak
EGILEA
Eguneraketa berriak daude