257 pertsonak lesioak salatu dituzte urriaren 1eko karga polizialengatik
Auzitegiek salaketa horietatik 110 artxibatu dituzte, lesio horien egilea ez identifikatzeagatik.
Urriaren 1eko erreferendumaren aurka gogor jo zuen Espainiako Poliziak. Herritar askoren buruetan iltzatuta geratu diren irudiak ikusi genituen, hauteslekuen atarietan. Borrakadak non nahi, herritarrak zaurituta eta poliziak hautetsontzien ehizan.
Kataluniako Generalitateak Espainiako Poliziak eragindako 844 zauritu zerrendatu zituen. Kataluniako Osasun Zerbitzuek urriaren 19an aurkeztu zuten txosten batean, 1.066 zauritura igo zuten Generalitateak aurrez eman zuen zifra.
Ordutik salaketa ugari aurkeztu dituzte auzitegietan, Espainiako Poliziak izan zuen jarreraren aurka. Salaketa horietako bat Generalitateak berak jarri zuen. Guztira 257 pertsonak salatu dituzte lesioak.
Salaketa horietako askok ibilbide laburra izan dute ordea auzitegietan. Jada, 110 artxibatu dituzte lesioen egilea ez dutelako identifikatu. Badira ordea artxibatu ez dituzten salaketa batzuk ere.
Bestalde, Esquadra Mossoek 21 salaketa jaso dituzte, urriaren 1ean hauteslekuak ixteko agindua desobeditzeagatik. Salaketa horiek aurrera doaz.
Proces auziarekin lotutako Kataluniako kontseilari ohiari desobedientzia delituagatik auzipetzeko erabakia jakinarazi behar zion epaileak. Ponsatik argudiatu du astelehenean ezin izan dela agertu, Europako Parlamentuan lana daukalako.
Carla Simóm zuzendariaren Alcarràs filma arrakasta izaten ari da, eta asteartean jakinarazi zen Oscar sarietarako hautagaia dela. Berria ezagutu eta gutxira, filmari izena ematen dion Kataluniako herriari buruzko Wikipedia orrian Urriaren 1ari buruzko... [+]
Oriol Junqueras, Raül Romeva, Josep Rull eta Jordi Turull politikarien kargugabetzeak Eskubide Zibil eta Politikoen Nazioarteko Ituna urratu zuela ondorioztatu du NBEk.
Gorenaren hirugarren aretoak iritzia aldatu du eta indultuari jarritako helegiteak aztertzea erabaki du orain. PSCk “espero du” indultatuak espetxera ez bueltatzea, eta Carme Forcadellek adierazi du “edozer gauza” espero duela Gorenetik.