25 milioi euroko isuna Iberdrolari, argindarraren tarifa amarruz igotzeagatik

  • Espainiako Merkatuen eta Lehiakortasunaren Batzordeak (CNMC) merkatu elektrikoa manipulatzea eta milioika etxebizitzatako argindarraren tarifa %10 baino gehiago handitzeko amarru egitea leporatu dio Iberdrolari. CNMCk oso larritzat jo du konpainiaren jokabidea, eta 25 milioi euroko isuna ezarri dio, 2014an lortutako mozkinen %1. Espedientean irakur daitekeenez, egindako iruzurrari esker 21,5 milioiko irabaziak eskuratu zituen Iberdrolak.

Unai Brea @unaibrea
2015eko abenduaren 01a
San Estebaneko zentral hidroelektrikoa, Galiziako Sil ibaian. Bertako urtegian eta beste bitan ura atxiki zuen Iberdrolak, elektrizitatea garestitzeko.

CNMCren arabera, 2013ko azaroaren 30a eta abenduaren 23a bitartean Iberdrolak ura atxiki zuen Espainiako Estatuan dituen hiru urtegitan, justifikaziorik gabe. Konpainiaren asmoa argindarra garestitzea izango zatekeen, 2014ko lehen hiruhilekorako prezioa ezarri behar zen enkantea egin baino lehentxoago.

Iberdrolak geldiarazitako zentral hidroelektrikoen hutsunea betetzeko zentral termikoetako argindarra sartu zen merkatuan, eta horrek eragin zuen, CNMCren hitzetan, megawatt-orduko zazpi euro (%8,75) garestitzea tarifa. Hala, abenduaren 19an egindako enkante elektrikoa baldintzatu zuen Iberdrolak. Oraingoz Espainiako Estatuan egin den azken enkantea izan zen hura; handik gutxira Industria Ministerioak, sortutako polemika zela-eta, bertan behera utzi zuen argindarraren salneurria ezartzeko sistema hori.

Transnazional bizkaitarrak esan du erabakiaren aurkako helegitea aurkeztuko duela Espainiako Entzutegi Nazionalean. CNMCren aurrean argudiatu dute ura atxiki zutela urtegien maila baxua zelako eta eskari handieneko sasoirako ura gorde nahi zutelako, baina lehiakortasunaz arduratzen den batzordeak ez ditu aintzat hartu konpainiaren azalpenak. “Urtegien maila aurreko urtekoa baino nabarmen handiagoa zen”.

Kanal hauetan artxibatua: Argindarra  |  Iberdrola  |  Energiaren sektorea

Argindarra kanaletik interesatuko zaizu...
2017-09-14 | Euskal Irratiak
Xiberoko hiru auzapez deituak dira Paueko auzitegi administratiborat Linky kontagailuen aferagatik

Xiberoko 3 auzapez deituak dira Paueko auzitegi administratiborat ostiralean arratsaldeko 2etan, Linky elektrika kondagailuen kontra hartu dutelako delibero bat.


2017-09-12 | ARGIA
Herri Berri taldea kexu, Donibane Lohizuneko Herriko Etxeak ez duelako informaziorik helarazi 'Linky' kontagailuez

'Linky' izeneko kontagailu elektromagnetiko inteligente berriak ika-mika iturri dira Ipar Euskal Herrian. Erabiltzaileen inguruko datu pribatuak bildu eta osasunerako kaltegarriak izan daitezkeelakoan, etxeetan kontagailu horiek ez instalatzeko eskatu diote zenbait eragilek Enedis enpresari.


2017-06-01 | Arabako Alea
Errekaleorreko kaleko argiteria berrezarri behar dela dio Gasteizko udalbatzaren Idazkaritzak

Gasteizko Udalak Errekaleorren argiteriaren inguruan Udalbaltzaren idazkariak ebatzitako gomendioa aintzat hartuko duela esan du, "beti Industria sailaren segurtasun errekerimenduak errespetatuz".


Argindarraren ordain-agirietan %50eko igoera egon daitekeela ohartarazi dute

Facua-Kontsumitzaileak Martxan elkarteak ohartarazi du maiatzean elektrizitatearen fakturetan bat-bateko igoera handia egon daitekeela, merkaturatze marjinaren berfakturazioaren eraginez. Kontsumitzaile zaurgarrien kasuan igoera %50ekoa izan daitekeela kalkulatu du.


2016-04-08 | Unai Brea
Ekologistak, Arcelor Mittaleko langileak eta kontsumitzaileak, Iberdrolaren aurrean protestan

Tarifa garestiegiak ezartzea, Garoñako zentrala berriz zabaldu nahi izatea, energi probrezia sustatzea eta autokontsumoaren aurkako legedia babestea leporatu diote bizkaitar transnazionalari, besteak beste.


2016-01-17 | Aitor Kaltzakorta
Zergatik ordaintzen dut hainbeste argindarraren truke?

2015eko uztailaren 1etik indarrean izan arren, iragan urritik aurrera hasi dira iristen argindarraren faktura berriak Araba, Bizkaia, Gipuzkoa eta Nafarroa Garaiko etxeetara. Fakturaren guztizkoa kalkulatzeko sistema da berrikuntza nagusia, baina iraganeko estetikak eta lehengo gabezia bertsuek jarraitzen dute oinarrian: prezioen manipulazioa, gardentasunik eza eta fakturatutako kontzeptuen argitasun falta. Argiaren ordainagirian eragiten duten elementuak eta egoera iraultzeko alternatibak... [+]


2014-03-14 | Ane Lusarreta
"Garo˝a martxan jartzen baduzue, bagoaz beste argindar konpainia batera"

Araba Garoñarik Gabe plataformak herritarrei dei egin die zentral nuklearra berriro ez irekitzeko presioa egin dezaten. Garoña berrirekiko balitz Endesa eta Ibedrolako bezero izateari uzteko sinadura bilketa jarri dute abian.


BEZa %23ra igotzeko asmoa duenik ukatu du Espainiako Ogasun ministroak

Espainiako Gobernuak BEZ zerga %23ra igotzeko asmoa daukala argitaratu du Expansión egunkariak gaur; eta horretarako aditu talde bati txostena eskatu diola. Espainiako Ogasun ministroak ukatu egin du halako asmorik eta txostena argitaratu arte itxaroteko eskatu du. 


Argindarra ez da %11 garestituko urtarrilean Hego Euskal Herrian

Espainiako Lehia Batzordeak ez du ontzat eman atzoko Cesurren argindarraren enkantea, "ezohiko gertakariak" argudiatuta. Espainiako Industria, Energia eta Turismo ministro Jose Manuel Soriak jakinarazi du argindarra ez dela "inondik inora %11 garestituko urtarrilean”.


Eguneraketa berriak daude