240 tona laguntza Bilbotik Saharara
Larunbatean irtengo da Sahararen aldeko XII. Karabana Solidarioa, Euskal Herri osoan bldutako 240 tona janari, arropa eta higiene materialarekin.
Hainbat agentziek eta janari enpresek egin dute bat Sahararen aldeko XII. karabanarekin. Guztira, 240.000 kg janari batu dira Euskal Herrian; Espainia mailan gehien batu duen herria izanik. Atun enpresa batek, esaterako, 23.000 kg eman ditu eta Bilboko Udalak 35.000 euroko diru-laguntza, "beste edizio batzuetan legez".
'Elikatu esperantza' da konboi solidario honen goiburua, eta zazpi trailer, kamioi bi, furgoi bat eta mendiko ibilgailu birekin osatuta dago.
Aipatutako kilo guzti horien artean, sahararrek hainbeste eskertzen duten 13.000 kg azukre eramango ditu aurtengo karabanak. Janariaz gain, kanpalekuetan beharrezko dituzten produktuak ere badira karabanan, hala nola arropa, higiene materiala edota ibilgailuen ordezko piezak.
Frente Polisarioak Bilbon duen ordezkari Mohamed Fadelek eskerrak eman dizkie euskal herritarrei gaur Bilboko Udaletxean eskainiko agerraldian. "Sahararrekin elkartasuna erakusten duen herria izateagatik eta hain solidarioa izateagatik". Edurne Ribasek ere -SEADen 'Otsailak 27' elkartearen ardunaduna- bere poztasuna azaldu du Euskal Herria, Espainia mailan produktu kantitate gehien batu duen herria izateagatik.
Karabana solidarioa larunbatean, hilak 27, irtengo da Bilbotik goizeko 10:00etan. Alikantera egingo du bidaia lehenik, handik Oranera (Aljeria) itsasoz, eta ondoren Tindoufeko kanpamenduetara (Aljeria).
40. urteurrenean
Saharako Errepublika Arabiar Demokratikoaren (Bir Lehlu) sorreraren 40. urteurrenarekin egingo du bat aurtengo karabanak. Egoerak, bitarte honetan, okerrera egin duela aipatu du Itziar Urtasun zinegotziak gaurko prentsaurrean. "Larriagotuz joan da Aljeriako basamortuko errefuxiatuen kanpamenduetan eta Saharako lurralde okupatuetan bizi duten ezbehar humanitarioa. Saharar Herriak lau hamarkada daramatza basamortuan, nazioarteko legeek onartutako autodeterminazio-eskubideaz noiz baliatuko zain".
Bilboko Udalak Saharako Errepublika Arabiar Demokratikoaren "gobernu legitimoa" eta Frente Polisarioa "onartu" dituela gogorarazi du Urtasunek. Babes osoa eman dio Bilboko Udalak "Saharar Herriak legezkoa duen autodeterminazio-eskubideari" eta Espainiar Estatuko Gobernuari eta nazioarteko komunitateari eskatu die "bultza ditzatela ekimen politikoak bidezko eta behin betiko konponbidea lortzeko".
Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]
Sahara, herri bat erresistentzian liburua argitaratu du Kristina Berasainek. Urte luzez jarraitu du Mendebaldeko Saharako gatazka, 2005ean BERRIA egunkariko kazetari gisa lurralde okupatuetara lehen aldiz bidaia egin zuenetik.
Mendebaldeko Sahararen alde egingo dute kontzertua hilaren 22an, Kursaalean. Bertan izango dira Oreka TX, Eñaut Elorrieta, Mikel Urdangarin, edo Minatu Embarek, Nayat Hosseinek eta Hayuh Ramsik artista sahararrak, besteak beste. Sahararrak gerran daudela ez dela ahaztu... [+]
Mendebaldeko Saharako Smara hirian urriaren 29an jaurtigaiekin izandako eraso ezezagun batek gorenean jarri du Fronte Polisarioaren eta Marokoko armadaren arteko gerra. Gaza bezala, harresi luze batez inguratuta dago herrialde osoa, eta Israelek palestinarrekin egin bezala,... [+]
Benjamin Netanyahu Israelgo lehen ministroak gutun bat bidali dio Marokoko Mohamed VI.a erregeari, "harremanak sendotzeko" pausoa emateko. Astelehenean baieztatu du asmoa dutela okupatutako Mendebaldeko Saharako Dakhla hirian kontsulatua irekitzeko.