20.500.000 euroko zorra barkatu al zion Kutxabankek PSOEri?

  • Galdera horri erantzutera joan zen asteartean Kutxabankeko kontseilari ordezkari bat Espainiako Senatura. Hala ere, ez zuen argitu bankuak zorra barkatu ote zion Alderdi Sozialistari.

Andoni Mikelarena @andonimik
2017ko azaroaren 15a
Arg: Borja Puig (PSOE)

Sekretu profesionala deiturikoa baliatu zuen asteartean Francisco Javier Lurueña Kutxabankeko kontseilari ordezkariak Espainiako Senatuan. Medikuak gaixoaren datuak gordetzera bezala, “legeak“ behartzen omen ditu bankuak “sekretua gordetzera”. Hori argudiatu, eta azalpenik eman gabe itzuli zen etxera Lurueña.

Etxe barruan nahikoa lan ez eta Alderdi Popularrak PSOE salatu zuen 2006an BBK-k (orain Kuxatabank) 21 milioi euroko zorra barkatu ziolakoan. Garai hartan Jose Luis Rodriguez Zapatero zen Espainiako Gobernuko presidentea. Zenbait alderdiren finantzaketan aurkitu dituzten irregulartasunak  ikertzeko helburuarekin Espainiako Senatuan batzordea osatu dute. Bertan, PPk bakarrik hartzen du parte,  gainontzeko alderdien ustez, bere ustelkeria kasuak tapatzeko erabili nahi baitu komisioa Alderdi Popularrak.

Santander, BBVA, Caixa eta Kutxabank dira PSOEri zorra barkatu zieten bankuak Senatuko batzordearen arabera. Zor hori zergatik barkatu zien jakin nahi du batzordeak eta horretarako banku horietako zenbait ordezkarik hitz egin behar izan zuten Senatuan. Guztiek ez zuten hitz egin eta falta direnek abenduaren 11n pasa beharko dute ganberatik.

Alderdiak banketxeen menpe?

Azken urteetan gogor salatu izan dute herri mugimendu ugarik alderdi politikoek bankuekiko duten menpekotasuna, bankuekiko loturak alderdi horiek aurrera eramaten dituzten politiketan eragina dutela uste baitute askok.  Horregatik, zenbait alderdik bestelako finantziazio bideak jarri dituzte martxan.

Hala ere, alderdi politiko nagusiek oraindik zor handiak dituzte banketxeekin. Ondoko grafikoan ageri diren datuak 2015. urtekoak dira:

Kanal hauetan artxibatua: PSOE  |  BBK  |  PP  |  Espainia  |  La Caixa  |  BBVA  |  Santander bankua  |  Zorra

PSOE kanaletik interesatuko zaizu...
2018-01-18 | Andoni Mikelarena
87 milioi euroko kostua izan du urriaren 1eko polizia operazioak, Zoidoren arabera

Espainiako Senatuan azalpenak eman ditu ostegun goizean Espainiako Barne Ministroak. Urriaren 1ean indar polizialek izandako jarrera defendatu du, “legitimoa, profesionala eta neurrikoa” izan zela argudiatuta.


2018-01-03 | ARGIA
ETAk armak utzita ere, urtean 2,7 milioi euro publiko gastatzen dira alderdi politikoen segurtasunerako

Espainiako Kontuen Auzitegiak zalantzan jarri du alderdi politikoek segurtasunerako jasotzen duten diru publikoa, ETAren amaieraren ondoren.


2018-01-03 | Andoni Mikelarena
Kataluniako erreferendumaren aurka poliziak izandako jokabideaz azalpenak emango ditu Zoidok

Urtarrilaren 18an egingo du agerraldia Espainiako Barne ministroak Senatuan. PSOEk eta EH Bilduk egindako eskaerei erantzunez, bere borondatez egingo du agerraldia.  


2017-12-20 | Andoni Mikelarena
Kanpaina arraroa amaituta, beste plebiszitu baterako prest

Amaitu da kanpaina, ERCk Estremerako espetxean, Puigdemontek Bruselako kroma batean eta Ciudadanosek Bartzelonako Nou Barris auzoan. Orain itxarotea geratzen da.


Donostiako faraoiaren klasismoa

Zer adierazi nahi zuen Elorzak? Nahiko argi dago andaluziar inkultuaren estereotipoa atera zitzaiola itsu-itsuan; alegia, klixe tamalgarri bat, politikari batek inoiz erabili behar ez lukeena.


2017-10-26 | Andoni Mikelarena
PSOEk ez du sinatu Frankismoko krimenak epaitzea ahalbidetuko lukeen lege proposamena

Podemos, Compromis, En Comú Podem, EH Bildu, EAJ, ERC, En Marea eta PDeCAT-ek aurkeztu dute lege proposamena. Gizateriaren aurkako krimenak epaitu ahal izateko Amnistiaren legea aldatzea du xede proposamenak.


2017-06-29 | Unai Brea
CETA hitzarmena berretsi du Espainiako Diputatuen Kongresuak

Espainiako Parlamentuak berretsi egin du Europar Batasunaren eta Kanadaren arteko merkataritza askeko ituna (CETA), PP, Ciudadanos, PDeCAT eta EAJren aldeko botoekin. PSOEk jarrera aldatu du Pedro Sanchez idazkari nagusia hautatzeaz geroztik; oraintsu arte hitzarmenaren alde agertu da, baina ekainaren 29ko bozketan abstenitu egin da, aurreko egunetan iragarri legez. Gainerako alderdiek aurka bozkatu dute.


Miramon: produktora pribatu handien esku programak sortzen erreferentea zena

"Argiak jartzen dituen langilearen lekutik platoa zuzenean ikusi ezinik", "aurreko mendeko tresnak", "euria egiten duenean grabazioa eten egin behar dute teilatuak egiten duen zaratagatik" edo "pasilloak biltegi bilakatu dira, segurtasun minimorik gabe"- ETBko Miramonera egindako bisitaren harira, txio bilduma sareratu du Josu Estarrona EH Bilduko legebiltzarkideak, ekainaren 21ean.


Aparatua gaindituta, ekaineko kongresua da Sánchezen hurrengo langa

Susana Díazi tarte handia aterata Pedro Sánchezek irabazi ditu PSOEko hauteskunde primarioak. Patxi Lopez lehiatik kanpo egon da uneoro,  soilik EAEn lortu du irabaztea; Nafarroan Sánchezek irabazi du.


2017-03-29 | Xabier Letona
EAJ-PSE: egonkortasuna ardatz, ezer alda ez dadin

EAJk eta PSE-EEk Eusko Jaurlaritzarako lotutako koalizio gobernuak azken legealdiko doinu lasaiarekin jantzi du datorrena ere. Aurrekoaren jarraikortasuna izango da nagusi. Ekonomia eta enplegua ardatz, EAJk azken urteetan saldu duen egonkortasuna indartzen saiatuko da bikote historikoa. PPk, gainera, indartu egin dezake  egonkortasun hori. Eta tentsiorik gabeko giro horretan, jeltzaleek estatutu berri bat bideratu nahi dute.


Azkenak
EGILEA
Eguneraketa berriak daude