2018ko Aurrekontu Legea onartu dute EAJk eta PSEk, PPren abstentzioari esker

  • Eusko Legebiltzarrean ostiral goizean egindako osoko bilkuran aurrera atera dira datorren urterako Eusko Jaurlaritzak proposatutako aurrekontuak. Horretarako PPren abstentzioa beharrezkoa izan dute gobernua osatzen duten EAJk eta PSEk.

ARGIA @argia
2017ko abenduaren 22a
(Argazkia: Eusko Legebiltzarra)

Aurreikusi bezala, PP abstenitu egin da, duela aste gutxi enpresek ordaintzen duten Sozietate Zergaren beherakadaren ordainetan adostutakoari esker. Popularrek akordio horretan 30 milioi euroko zuzenketak egin dituzte.

Hala, Eusko Jaurlaritzak 11.486 milioi euroko aurrekontua izango du 2018rako, iaz baino 426,7 milioi gehiago, “inoizko handienak” Jaurlaritzaren arabera. Baina zor publikorako bideratutako dirua –urterik urte handitzen ari den kopurua, aurten %12– eta bere eskumenekoa ez den AHT ordaintzekoa kenduta 9.000 milioi euro pasatxo izango da azkenean diru-partidetan inbertitzeko erabiliko duena Eusko Jaurlaritzak, 2009an baino 200 milioi euro gutxiago beraz.

EH Bildu eta Elkarrekin Ahal Duguk aurrekontu horien kontrako botoa eman dute “neoliberalak, atzerakoiak eta antisozialak” direlako euren ustez.

Kanal hauetan artxibatua: Aurrekontuak  |  Eusko Jaurlaritza

Aurrekontuak kanaletik interesatuko zaizu...
2018-04-25 | ARGIA
EAJ eta Rajoyren gobernua akordiora iritsi dira: pentsioen igoera, aurrekontuak erraztearen truke

EAJk iragarri duenez, Espainiako Gobernuak onartu du pentsioak Kontsumorako Prezioen Indizearen (KPI) arabera igotzea 2018an eta 2019an, aurreikusita zegoen pentsio minimoen %3ko igoeraz gain.


EAJk oxigenoa eman dio PPri, ez du aurkeztu aurrekontuen osoko zuzenketarik

EAJk jakinarazi du ez duela Espainiako Estatuko Aurrekontu Orokorren osoko zuzenketarik aurkeztuko. EH Bilduk, bestalde, osoko zuzenketa aurkeztu du, esanez desberdintasun soziala “betikotzen” duela.


2018-04-15 | Juan Mari Arregi
Defentsak %10,7; pentsioek %0,25

Gobernu batek aurkezten dituen Aurrekontu Orokorrak bere balio sistemaren eta ideologiaren ispilu izan ohi dira. Espainiako Estatuaren kasuan –Hego euskal herritarrei ere eragiten die–, oso ongi islatzen du balioen sistema hori: kapitalaren eta AEBak bezalako potentzia handien zerbitzura dagoen gobernu neoliberala da, NATO erakunde militarrari gero eta ekarpen handiagoa egiten diona.


Espainiako Estatuak Nafarroan gastatuko duenetik %78 AHT eta Esako urtegira bideratuko da

Espainiako Estatuko Ogasun ministro Cristóbal Montorok aurkeztutako aurrekontuen arabera, Nafarroari dagokion inbertsioan %78 AHTri eta Esako urtegiari bideratuko dio Espainiako Estatuak.


PPk orain dio ez duela EAEko aurrekontuen aurkako errekurtsorik jarriko

Javier de Andrés Gobernuko ordezkariak esan du Espainiako Estatuko Gobernuak ez diela errekurtsorik jarriko EAEko aurrekontuei. “Erkorekak badaki hori ez dela egia”, adierazi du, eta esan du 155. artikuluaren “aitzakia” motz geratzen ari zaiola EAJri: “Estatuko Aurrekontu Orokorrak ez onartzeko aitzakien bila ari dira”.


2018-01-04 | Andoni Mikelarena
Montorok agindutakoa baino 780 milioi euro gutxiago itzuliko dizkio Kataluniari

Espainiako Ogasun Ministerioak agindutakoa baino 780 milioi euro gutxiago itzuliko dizkio Kataluniari. Aurrekontuak ez onartu izanari egotzi dio errua Montorok.


2018-01-02 | Andoni Mikelarena
EAJk Espainiako Aurrekontuak babestuko dituela uste du De Guindosek

Katalunian Gobernua osatzen denean, iaz egin bezala, EAJk Espainiako Aurrekontuak aurrera aterako dituela uste du Espainiako Ekonomia Ministroak.


2017-12-27 | Uriola.eus
Murrizketa sozialek pardelarekin uzten gaituztela salatu dute

‘Murrizketa sozialen, gastu militarraren eta AHTren lanen inuzentekeriek horrela uzten gaituzte’ lelopean pardeletan gelditu dira Bilboko Kale Nagusian eskubide sozialen aldeko erakundeetako partaideak.


Sozietate Zerga EAEn
Hamar urtean erdira jaitsi da

Urtearen amaierak erreforma fiskala ekarri die opari Araba, Gipuzkoa eta Bizkaiko enpresei: Sozietate Zerga lau puntu jaitsiko da, EAJ, PSE eta PPren arteko itunari esker. Lehiakortasunaz eta erakargarritasunaz hitz egiten dutenentzat beharrezkoa omen. Baina egiaz, zenbat ordaintzen dute enpresek? Eta nola eragin dezake zerga atzerakadak gastu publikoan, ongizatean eta enpleguan? Datuak eskuan, oinarrizko galdera batzuk erantzuten saiatuko gara.


2017-12-21 | ARGIA
Nafarroako Parlamentuak 2018ko Aurrekontuak onartu ditu

Geroa Bai, EH Bildu, Ahal Dugu eta Ezkerraren aldeko botoekin aurrera atera dituzte Nafarroako Foru Erkidegoko datorren urterako aurrekontuak. UPNk, PPk eta PSNk kontra bozkatu dute.


Azkenak
EGILEA
Eguneraketa berriak daude