Munduko Metereologia Erakundeak (MME) datua kezkagarriak eman ditu urtero klimaren egoerari buruz ematen duen txostenean. Inoiz neurtutako urterik beroena izateaz gain, 2016an goia jo du itsas mailak, hala nola ozeanoen gainazaletako beroak. Artikoko izotzaren zabalerak, berriz, beheranzko joerari eutsi dio, eta aurreko urteetan ez bezala gauza bera gertatu da Antartikakoarekin.
Erregistroak daudenetik iazkoa izan da urterik beroena, MMEk jakinarazi duenez. Batez besteko tenperatura industrializazioaren aurreko garaikoa baino 1,1 gradu altuagoa izan da. Ez da ahaztu behar 2015ean adostutako klima aldaketari buruzko Parisko Hitzarmenaren helburu nagusia dela tenperatura igoera hori bi gradukoa baino txikiagoa izatea mende honen amaieran, eta ahal den heinean ez dadila pasa 1,5 ºC-tik.
Beroketa globalaren eragile nagusiak, atmosferako karbono dioxido kontzentrazioak, milioiko 400 parteen langa gainditu zuen 2015ean (2016ko daturik ez dago oraingoz), eta ez du luzaroan behera egingo, bihar bertan emisioak gutxitzen hasiko bagina ere.
Planetako tenperatura globala bezala, itsasoko gainazalarena ere inoiz neurtutako altuena izan zen 2016an. Itsas maila, bestalde, hogei zentimetro altuagoa da orain XX. mende hasieran baino, MMEren hitzetan. Horren arrazoi nagusietako bat –ez bakarra– Artikoko eta Antartikako izotzaren urtzea da. Artikoan negu amaieran gertatu ohi den izotzaren zabalera maximoa (iazko martxoaren 24an neurtua), 1979-2016 bitarteko baxuena izan zen.
Artikoaren kasuan luze dirauen joeraren jarraipena da izotz galera. Antartikarenean, berriz, ezustekoa izan da hain erregistro baxuak izatea, azken urteetan izotz-geruza berreskuratzen ari ziela zirudien eta.
MMEk ohartarazi du lotura argia dagoela gizakiak eragindako klima aldaketaren eta 2016tan behatutako zenbait muturreko gertakari metereologikoren artean. Horien arrean, aipatzekoak dira Ertamerika eta Afrikako lehorte larriak –elikadura krisia eragin zutenak–, eta Haiti jo zuen Matthew urakana.
Ekosistema askok itzulera gabeko puntuak dituzte, hau da, estresa maila berezi bat pairatuz gero –izan klima aldaketa, kutsadura edo kalte fisiko zuzenarengatik– desagertzen ahal dira, eta ekosistemak haien artean konektatuak izanez gero hurrenez hurren elkar... [+]
Azken lau hamarkadetan itsasoaren gainazalaren tenperatura-igoerak makroalgen komunitateetan izan duen eragina aztertu du EHUko ikerketa-talde batek. Bizkaiko kostaldeko eremu batean sakonera-puntu desberdinak ikertu dituzte eta ikusi dute egituratzaileak diren afinitate hotzeko... [+]
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
Suitza zigortu du Estrasburgok, estatu horrek bideraturiko klima politikak adindunen eta oro har herritarren osasun eskubidea zangopilatzen duelakoan. Ebazpena txalotu dute talde eta norbanako ekologistek eta diotenaz, ondorioak izanen ditu gainontzeko estatuengan ere, besteak... [+]
Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.
Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]