Aurtengo lehen eskola egunean lanuztea egin dute Balear Uharteetako irakasleek. 2014. urtean protestekin jarraitzen dute hortaz irletako hezkuntza sektorean. Katalanezko eskola orduak gutxitzearen eta murrizketen aurka altxatu dira ikastetxeetako langile eta ikasleak.
PPk ezarritako TIL (Tratamiento Integrado de Lenguas) legearen arabera, ingelesez, gaztelaniaz eta katalanez eman beharko dituzte klaseak Balear Uharteetako ikastetxeetan. Sindikatuak eta hezkuntza arloko langileak neurriaren kontra azaldu dira eta uko egingo diote hirueledun eredua indarrean jartzeari. Aldi berean, hekuntza arloko murrizketa etengabeen kontrako jarrera azaldu dute irakasleek eta protesta bateratuak egiten ari dira.
Balearretako Irakasleen Batzordeak honako bideoa egin du haien borrokaren laburpen gisa. Ikus daitekeenez, “Martxa Berdea” deiturikoarekin Uharteetako Gobernuaren hezkuntza politikaren eta hezkuntza zapalkuntzaren kontrako jarrera erakutsi dute irakasleek eta jendartearen zati handi batek.
2013. urteko greba mugagabea eta mobilizazio jendetsuen irudiak testuarekin tartekatzen dira. “2013an iraultza historikoa bizi izan zen Mallorcako hezkuntza sektorean. Imajina dezakezu mundua aldatzea posible dela eta aldaketa hori Mallorcan hasten dela?”, galdetu dute bideoaren egileek.
Greba egiten duten irakasleei mehatxuak
Balearretako Irakasleen Batzordeak salatu duenez, grebetan parte hartu duten zenbait langilek mehatxu bortitzak jasan dituzte, heriotz mehatxuak barne. Sare sozialetan hasi dira mehatxu horiek; Ez noa grebara izeneko Facebookeko orrian, esaterako, greba egitea erabakitzen duten irakasleak iraintzeaz gain, lanuzteen kontra altxatzera deitzen zaio jendarteari.
Azken egunetan orrialde horretako irain eta mehatxuak gogortzen ari direla ohartarazi dute irakasleek eta arduradunei neurriak hartzeko eskatu diete.
Júlia Ojeda literatura-kritikariaren ahotsa garrantzitsua da gaur egungo Kataluniako hedabideetan, eta prozesu independentistaren osteko Katalunia birpentsatzen ari den ardatz ugarietako batera hurbiltzen laguntzen digu. Matriotes-eko kide ere bada, “feminista eta... [+]
Carme Junyent hizkuntzalari katalana hil zen pasa den irailean. Hizkuntza-politikari buruz esaten zituenak arretaz segitu ditugu hemen, haren proposamen batzuk noizbait gurean aplikatzera ausartuko ginelako itxaropenez-edo, beharbada. Aho-bizarrik gabe jarduten zuen. Aldizkari... [+]
Manuel Albares Atzerri Ministroak erabilitako arrazoiak dira, besteak beste, katalana lehenesteak prozesua arinduko duela eta katalanak beste bi hizkuntzek baino hiztun gehiago dituela.
Irailaren 3an zendu da pankreetako minbiziaren ondorioz. Katalanak desagertzeko dituen arriskuez zorrotz hitz egin izan du hizkuntzalariak eta haren mezu gordinek deserosotasun ugari sorrarazten zuten. Azken unera arte borrokatu da bere hizkuntzaren alde. Bizitzako azken uneetan... [+]
Andorrako katalanaren defentsarako lege berriak katalanaren oinarrizko maila eskatuko du bertan bizi eta lan egin ahal izateko. A2 titulua baino maila baxuagoa eskatuko dute.