2013rako asmo onen artean liburu gehiago irakurtzea sartu baldin baduzue, hemen aukera aproposa. Hasi berri dugun urteko hilabete bakoitzerako liburu bat gomendatu dute hamabi lagunek Amaia Garciaren Bookhunterblog atarian; beheko bideoan ikus dezakezue.
Niri ere gomendioa egiteko aukera eskaini didate eta uztailean irakurtzeko egokia iruditu zait liburutxo bat, André Gideren Teseu.
Obra labur hori izan zen Gidek bizirik zegoela argitaratu zuen azkena eta idazlearen testamentu gisa irakurtzeko aukera eskaintzen du, daukan tonuarengatik.
Beste 11 liburu ere gomendatu dituzte. Jarraian dauzkazue zenbait lotura, obra horiek erosi edo irakurri nahi dituenari lana errazteko —betiere kontuan edukita lehen aukera gisa liburutegi publikoak erabiltzearen alde nagoela—. Tituluak gomendatu diren hizkuntza berean mantentzea erabaki dut.
Urtarrila: Xenda bi ez duk lizentzi, Ibai Mendinueta (Ibon Idoiagak gomendatua).
Otsaila: Blood, bones and butter, Gabrielle Hamilton (Marti P. Kilpatrick-ek gomendatua).
Martxoa: Cosas que los nietos deberían saber, Mark Oliver Everett (Josean Arriolak gomendatua).
Apirila: Martutene,Ramon Saizarbitoria (Arantza Arzamendik gomendatua).
Maiatza: Aventuras y desventuras del chico centella,Bill Bryson (Ana Malagonek gomendatua).
Ekaina: La fortaleza asediada, Qian Zhongshu (Miren Gabilondok gomendatua).
Uztaila: Teseu, André Gide (nik gomendatua).
Abuztua: Abuztuaren 15eko bazkalondoa, Joxe Austin Arrieta (Xabier Mendiguren Elizegik gomendatua).
Iraila: Lo que no está escrito, Rafael Reig (Ruth Pérez de Anucitak gomendatua).
Urria: The witches of Eastwick, John Updike (Slawka Grabowskak gomendatua).
Azaroa: Un extranjero con, bajo el brazo, un libro de pequeño formato, Edmond Jabes (Emilio Varelak gomendatua).
Abendua: De vidas ajenas, Emmanuel Carrère (Alberto Moyanok gomendatua).
(Oharra: testu honen jatorrizko bertsioa Boligrafo Gorria blogean argitaratu da).
Martxoan Iruñean egin zen liburu denden kongresuan ezagutu nuen Elisabeth sortzaileen lana pasioz defendatzen Adimen Artifizial sortzailearen aurrean. Handik gutxira elkarrizketa egiteko gelditu ginen Bolognako Liburu Azokara eta Kolonbiara joan aurretik. Aitortzen dut... [+]
Eguzkiarekiko gertutasunak moldatu egin ei du Lurrak duen abiadura, eguzkia inguratzeko mugimenduan. Beste abiadura batzuk ere badira, ordea, eta balirudike lurraren abiada gero eta azkarragoa dela edo, bederen, aldaketak etengabean ditugula orpoz orpo jarraika. Egoera honetan,... [+]
Idazle andaluziarra (Sevilla, 1974) Gasteizko Ipuin Literarioaren Nazioarteko Jaialdira etorri da martxoan. Gasteizko tren geltokian egin dugu harekin hitzordua, bere herrira bueltatzeko ekipajea prest zeukala, eta bidaiarien, zerbitzarien eta eguneroko martxaren zaraten artean,... [+]
Irakaskuntzan "aniztasuna" aski ezaguna den kontzeptua da, eta irakasleok (ez zara harrituko Bestiak liburutegian ere irakasleak badaudela jakitean) aniztasuna bermatzeko, askotan, ikasle talde heterogeneoak egiten saiatzen gara. Baina badugu desberdinen arteko... [+]
Erantzunik gabeko galderez inguratuta eta “tristezia sakona” sentituz bizi izan da Daniela Cano. Artista kolonbiarra da, eta pandemia betean Madrilera ihes egin behar izan zuen Kolonbian mehatxatuta zegoelako. Arteaz, bereziki literaturaz baliatzen da erantzunak... [+]