2013ko datu klimatikoek beroketa globala baieztatzen dute, NASAk dioenez
Mundu osoko datu klimatikoak kontuan hartuta, 2013. urtea tenperaturak erregistratzen hasi zirenetik 7. urte beroena izan da. AEBetako Aeronautika eta Espazioaren Agentzia Nazionalak aditzera eman duenez, epe luzerako beroketa globala baieztatzen duen beste datu esanguratsu bat da hori.
NASAren azterketak jaso dituen datuek erakusten dute iazko munduko tenperaturaren bataz bestekoa 14,6 ºC -koa izan zela, XX. mendeko bataz bestekoa baino 0,6 gradu zentigrado altuagoa. Azken 38 urteetan, munduko tenperatura ez da balio horretatik jaitsi.
Bestalde, 1880an munduko datu klimatikoak jasotzen hasi zirenetik hamar urte beroenak XXI.mendeari dagozkio, 1998. urtea salbuespen gisa hartuta. 2010a eta 2005a izan ziren urterik beroenak.
Zientzialariek ohartarazi dute gasen isuri etengabeak berotegi efektua eragiten dutela atmosferan, eta horrek epe luzera munduko tenperaturen igoera dakarrela. Berotegi efektua sortzen duten gasek, karbono dioxidoak bereziki, atmosferako beroa hartu eta klimaren aldaketa erregulatzen dute.
NASAren arabera urtetik urtera ez du zertan aurrekoa baino beroagoa izan. Baina egungo gas maila kontuan izanik aurreikusi dute hamarkada bakoitzeko tenperatura apur bat igoko dela.
Horrez gain, izakiek sortutako gasen kontzentrazioa izugarri hazi da azken hamarkadetan. NASAk jakinarazi duenez, azken 800.000 urtetako mailarik altuenean aurkitzen da gaur egun.
Ekosistema askok itzulera gabeko puntuak dituzte, hau da, estresa maila berezi bat pairatuz gero –izan klima aldaketa, kutsadura edo kalte fisiko zuzenarengatik– desagertzen ahal dira, eta ekosistemak haien artean konektatuak izanez gero hurrenez hurren elkar... [+]
Azken lau hamarkadetan itsasoaren gainazalaren tenperatura-igoerak makroalgen komunitateetan izan duen eragina aztertu du EHUko ikerketa-talde batek. Bizkaiko kostaldeko eremu batean sakonera-puntu desberdinak ikertu dituzte eta ikusi dute egituratzaileak diren afinitate hotzeko... [+]
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
Suitza zigortu du Estrasburgok, estatu horrek bideraturiko klima politikak adindunen eta oro har herritarren osasun eskubidea zangopilatzen duelakoan. Ebazpena txalotu dute talde eta norbanako ekologistek eta diotenaz, ondorioak izanen ditu gainontzeko estatuengan ere, besteak... [+]
Eta arkitektoen burbuilean, krisi klimatikoaren gaineko kezka igartzen al da? Galdetu dit agroekologoak.
Eraikuntzaren sektorea CO2 emisioen portzentaje altuaren eragilea izanik, galderak zentzua badu. Naomi Klein-ek Honek dena aldatzen du liburuan kontatzen du nola hegazkin... [+]