20.000 herritar, 1.000 bizikleta eta 400 traktore aireportuaren aurka Bretainian

  • Notre-Dame-Des-Landes aireportua eraikiko duten guneko biztanleen kanporaketen eta aireportuaren eraikitzearen aurka, 20.000 pertsonak, mila bizikletak eta 400 traktorek Bretainiako Naoned hiriko (Nantes frantsesez) Chevire zubia blokeatu zuten zapatuan.

Asier Arrate Iruskieta @AsierArrate
2016ko urtarrilaren 12a
Manifestariek Loira ibaia zeharkatzen duen zubian kanpamentua ezarri zuten hirirako sarbide nagusia blokeatuz.

Bretainiako hiriburuan eraiki nahi duten aireportuaren aurkako protestak 2000. urtean hasi ziren. Aireportua eraiki nahi den eremuko biztanleek –ZAD, Zone A Defendre (Defendatu Beharreko Eremua) bezala ezaguna– bertatik joateari uko egin zioten. Hamaika etxebizitza eta lau baserri daude ZADen; horietako askok hainbat belaunaldi daramatzate bertan bizitzen. 2009an hainbat ekintzaile, herritarrek hala eskatuta, bertan bizitzen jarri ziren.

Aireportua eraikiko duen Vinci enpresak auzitegietara jo zuen, eta 2015eko abenduaren 10ean auzitegiak ontzat eman zituen enpresaren argudioak ZADeko biztanleen kanporaketa eta lanen hasiera baimenduz. Urtarrilaren 13 arteko epea eman die eremua uzteko. 200 euroko isuna ezarri die agindua betetzen ez duten egun bakoitzeko

Auzitegiaren erabakiaren aurka, aireportuaren aurkako elkarte eta taldeek urgentziazko mobilizazioa deitu zuten urtarrilaren 9rako. Zapatu eguerdian manifestazioa egin zuten Naonedetik Chevire zubirantz. Arratsaldean manifestariek Loira ibaia zeharkatzen duen zubian kanpamentua ezarri zuten hirirako sarbide nagusia blokeatuz.

François Hollandekin akordioa lotu arte protestak jarraituko zuela iragarri zuten manifestariek. Gauerdi aldera manifestarien eta poliziaren arteko negoziaketen ostean blokeoa bertan behera uztea erabaki zuten. Zubia berriz irekitzea adostu bazuten ere, poliziak gasa eta ur-kanoiak erabili zituen zubian zeuden manifestarien aurka.

Manifestarien izenean, Jean-François Guittonek azaldu zuen poliziak gehiegizko indarra erabili zuela: “Agintarien mendekua izan da gaurko protestaren arrakastagatik”. Protesta nagusia Naoneden izan bazen ere, mobilizazio ugari antolatu ziren Frantziako hainbat hiritan.

Aireportuaren aurkako plataformatik adierazi dute protestan jarraituko dutela aireportuaren lanak eta kanporatzeak gelditu arte, eta Vinci eraikuntza enpresari ohartarazi diote hilaren 13 arte dutela atzera egiteko. Akordiorik lortu ezean Naoned inguratzen dituzten autobideak blokeatuko dituztela iragarri dute, eta urtarrilaren 13an bertan elkarretaratzea deitu dute Naonedeko auzitegi aurrean.

Aurreikusita dauden mobilizazioen aurka, orain aste batzuk ZADeko kideek publiko egin zuten gendarmeentzat inguruko herrietako hotelak urtarrilerako erreserbatu zituztela jakin zutela.

Ingurumena eta nekazaritzarentzako arriskua

1972an aurkeztu zuen Frantziako Gobernuak Notre-Dame-Des-Landes aireportuaren proiektua eta 2000. urtean onartu. 580 milioi euroko inbertsioa egin du, eta lanak hainbat aldiz atzeratu dira. Gobernuaren helburua Naonedeko aireportua ordezkatzea da. Egungo aireportuak 3 milioi bidaiari hartzeko ahalmena du, Notre-Dame-Des-Landes aireportuak aldiz, 2050erako 9 milioi bidaiari hartzeko gai izango dela aurreikusi dute. Gobernuak Frantzia Mendebaldeko aireportu nagusia izatea nahi du.

Aireportuaren aurkakoek azaldu dute egungo Naonedeko aireportua modernizatu daitekeela garraio beharrizanei erantzuteko, eta aireportu berri batek eragin negatiboa izan lezakeela ingurumenean eta karbono emisioetan.

Aireportuak biodibertsitatea eta 130 espezieren habitata arriskuan jarriko duela ohartarazi dute –arriskuan dauden bost espezie identifikatu dituzte–. Bestalde, aireportuak hartuko duen eremuaren ondorioz nekazal lurrak galduko direla gaineratu dute.

Nicolas Hulot, François Hollanderen planetarako mandatari berezi ohiak Le Monde egunkariari eskainitako elkarrizketan adierazi du Notre-Dame-des-Landes aireportuaren proiektua bertan behera utzi beharko litzatekeela.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Azpiegitura handiak  |  Frantzia  |  Bretainia

Azpiegitura handiak kanaletik interesatuko zaizu...
2018-07-16 | ARGIA
Berta Caceres garaile hil ondoren: Agua Zarca urtegi proiektua bertan behera utzi dute

Hondurasen, sikarioek tiroka hil eta bi urte beranduago irabazi du borroka Berta Caceres ekintzailek: FMO Holandako Garapenerako Bankuak eta FINNFUND Filandiako Industria Elkarlanerako Funtsak jakinarazi dute bertan behera utzi dutela Gualcarque ibaian eraikitzekoak ziren urtegia eta zentral elektrikoa. Horien kontrako borrokan aritzeagatik errepresaliaz hil zuten Caceres. 


2018-07-15 | Juan Mari Arregi
Onartu, AHT erokeria da

Europako Kontu Auzitegiak txosten etsigarria zabaldu du Europako abiadura handiko trenbide sarearen inguruan (Euskal Herrian AHT, Frantzian TGV, Espainian AVE…).


2018-07-13 | Zero Zabor
Erraustegiaren lanengatik berriro moztu dute Zubietatik Usurbilerako bidea

Zubietako erraustegira gasa eramateko obrei ekin diete berriz, iaz urte garai honetan gertatu bezala. Duela urtebete, Amidi inguruan egin zituzten lanok, Donostialdekoa den eremuan. Oraingoan, Amiri baserriaren eta Santuenea auzoaren artean, Usurbil aldeko lurretan. 


Fauna publikoa
Nola justifikatu diru-xahuketa

Jesus Lozak esaten baldin badu efizientzia ez dela zenbakitan bakarrik neurtzen, esplikatu beharko luke zer beste funtzio betetzen duen AHTk “behar bezala”. Baina esplikatu beharko luke serio, zeren Radio Euskadin eman duen azalpen honek brometakoa dirudi.


Aroztegiak kaltetuko dituen parajeak ezagutzeko oinezko ibilbideak eskaintzen ditu herri plataformak

Uda ailegatu zaigu eta Baztango bailara bisitatzeko aukera ezin hobea da garai hau, horregatik Aroztegia… eta gero zer? Herri plataformak, Aroztegiako proiektuak kaltetuko dituen parajeak ezagutzeko oinezko ibilbideak ezagutzeko gonbita luzatzen dizue.


Angula ustelak

Ainhoa eta Inakik 40 miliun euro ordaindu beharko dituztela entzuna ginuen angula ustel ixtorio zerbaitengatik. Hainbeste diru pagatu behar izateko zer nolako kaltea egin ote dute Hego Aldeko euskaldun hautetsi hauek.


2018-07-09 | Guaixe .eus
Autopista elektrikoaren aurkako mila hautetsi

1000 baietz ekimena martxan jarri du plataformak eta irailean batzarra eginen dute. Autopista Elektrikorik Ez plataformak jakinarazi du goi tentsioko argindar sarearen kontrako mila hautetsiren babesa jasotzeko kanpaina hasi duela. Dagoeneko plataformak sustatutako adierazpenarekin 300 hautetsik bat egin dute. Haien artean 40 alkate daude.


2018-07-04
Donostiako Metroari Stop (abestia)
MULTIMEDIA - bideo herrikoia

Donostiako Metroaren aurkako abestia bidali digute ARGIAra.

Egilea: Antiguo Revolution Zaunk System.


2018-07-04 | Usurbilgo Noaua
Usurbildarrek erraustegiaren aurkako parodiarekin amaitu dituzte festak (bideoa)

Usurbildarrek ozen oihukatu dute “Ez, ez, ez, errausketarik ez!”, jaien amaieran. Azken trakaren aurretik, festak hasi bezala amaitzeko tartea hartu da aurten. Urte luzez, herrian haserrea eta kezka eragiten segitzen duen erraustegiaren aurkako parodia batekin.


Eguneraketa berriak daude