250 bat lagun batu dira Donostiako Antigua auzoan hasi dituzten metroaren lanetan, Satorralaiak deituta. "Hiritarrok argi dugu: Stop metroari" lemapean kontzentrazioa egin dute Zarautz etorbidean.
Langileek lanak geratu dituzte kontzentrazioa hasi baino minutu gutxi lehenago. "Proiektu honen bultzatzaileek herritarren presioa sentitu behar dute", adierazi dute eta hurrengo egunetarako ekimen gehiagoren berri eman dute.
- Martxoak 9 ostirala, 18:00etan: Easoko tren geltokiaren aurrean antzerki ekintza eta informazio banaketa egingo dute "Metroaren aldeko propagandaren gezurrak salatzeko".
-Martxoak 12 astelehena, 19:00etan: "Beren makinen aurrean, bizilagunen borrokak hiriko garraio-azpiegitura kaltegarriak gelditzeko” mahai ingurua Koldo Mitxelena Kulturunean. Bertan izango dira TranviaSurNO Plataforma (Gasteiz), Tosu Betirako (Andra Mari, Algorta) eta Satorralaia (Donostia).
- Martxoak 17 larunbata, 13:00etan: Kontzentrazioa Easo Plazan.
Satorralaiak mugimenduak azaldu duenez, asteazken eguerdian gertatu da Urbieta eta San Martin kaleetan. Eraikina joan den urtarrilean kalteak jasan zituen beste eraikin baten alboan dago.
Donostiako Zubieta kaleko eragin baten patioan agertutako arrakala "itzel" gisa deskribatu du mugimenduak. Lanak hasi zirenetik bost urte igaro direnean, Donostiako metroaren eraikuntzan egiten ari den "baliabide publikoen xahuketa etengabea" eta obra... [+]
Satorralaia bizilagunen mugimenduak Donostiako Metroaren eraikuntza lanek Loiola kalearen eta San Martinen arteko izkinan dagoen eraikinean –Erviti musika denda zegoen tokian– eragindako kalteak salatu ditu.
Donostiako metroaren lanetan kaltetutako Zarautz hiribideko eta Zubieta kaleko eraikinetako hainbat bizilaguni kalte-ordainak eskaini dizkiete gutun bidez. Donostiako EH Bilduk salatu du haiek "isilarazteko" saiakera dela.
Donostiako alkate izandako Xabier Albisturrek metroaren egungo obren kontrako iritzia azaldu du Diario Vasco egunkariak egindako elkarrizketa batean. Bere ustez proiektua ez da nahikoa “anbiziotsua, obrak suposatzen duen inbertsiorako”.