Eskoziaren independentziaren alde eskutitz irekia argitaratu dute 200 enpresarik. Ostegunean beste 130 enpresaburuk plazaratu zuten independentziaren aurkako manifestuari erantzuna da. Erreferendumetik hiru astera, independentismoa gorantz doala diote azken inkestek. Botoa erabaki gabe dutenak kontuan izan gabe, %47 dira aldekoak, Daily Mail egunkariaren arabera.
Independentziaren alde sinatu dutenen artean daude, besteak beste, Stagecoach garraio enpresa eta Clyde Blowers industria taldea.
Independentismoa gorantz azken inkestetan
Daily Mail berripaperak argitaratu duenez, azken inkestan lau puntu inguru igo da independentziaren aldekoen kopurua. Hilabete baino gutxiaogoko epean, %37,2tik %41,6ra igo da Erresuma Batuan jarraitu nahi ez dutenen kopurua. Unionistak hiru puntu inguru egin dute behera, %47,6 dira egun.
Herritar ugarik, ordea, ez dute oraindik erabaki botoa. Horien ehunekoa aintzat hartu gabe, eskoziarren %47 legoke independentziaren alde.
Astelehen gauean, Eskoziako lehen ministro Alex Salmondek eta independentziaren kontrako kanpainako buru Alistair Darlingen arteko telebista saioan, Salmond nagusitu izanak eragina izan du inkestetan, zenbait hedabideren arabera.
Cameron: “Europar Batasuna historiako fusio onena da”
Irailaren 18ko galdeketarako hiru aste astera, David Cameron Erresuma Batuko lehen ministroa Eskoziara joan da, ezezkoaren aldeko kanpainan eragin asmoz.
Enpresarien arteko norgehiagokaren erdian, hauekin bildu eta Eskoziako ekonomiarentzat Erresuma Batuan jarraitzea mesedegarria dela adierazi die.Independentziaren kontrako jarrera nagusituko balitz, Eskoziari eskumenak areagotuko dizkiola agindu du.
Bi nazioen “oparotasuna” 1707an, tratu ekonomikoak tarteko, bat egin zutenetik estu lotuta dagoela adierazi du Cameronek. Bere hitzetan, “historiako fusio onena” da Erresuma Batua.
Kargurik gabe aske utzi du Poliziak, galdekatu ostean. Susmagarri gisa atxilotu dute, SNP Eskoziako Alderdi Nazionalaren finantzaketaren inguruan irekita jarraitzen duen ikerketa baten harira. Bigarren erreferenduma egiteko dohaintzan jasotako diruari lotuta dago kasua.
Bi hilabeteren buruan eman du ebazpena Erresuma Batuko Auzitegi Gorenak: Eskoziako parlamentuak ez du independentziari buruzko galdeketaren inguruko legeak egiteko eskumenik, ezinbestekoa da horretarako Westminsterreko parlamentuaren onespena.
Britainiako Auzitegi Gorenak orain erabaki behar du legezkoa den ala ez Erresuma Batuko Gobernuaren onespenik gabe 2023ko urriaren 19an erreferenduma egitea. Sturgeonek ziurtatu du baimenik eman ezean hauteskundeak baliatuko dituztela independentzia galdeketa gisa.
Denbora azkar pasatzen da, are gehiago pandemiaren eraginez bi urte hain geldo eta arraro bizi ostean. Nicola Sturgeon Eskoziako lehen ministroak, ekain amaieran, iragarri zuen 2023ko urrian herrialdearen independentziari buruzko kontsulta berria egiteko asmoa duela, eta horrek... [+]
Independentziari buruzko bigarren erreferenduma 2023ko urriaren 19an egitea proposatu zuen Nicola Sturgeon Eskoziako lehen ministroak joan den astean. Ezezkoa erantzun dio Boris Johnson Erresuma Batuko lehen ministroak