'1937-2017 Oroimenetik-Askatasunera' ekimena aurkeztu dute

  • Gernikako bonbardaketa eta Azazetako sarraskiaren 80. urteurrena gogoratzeko, '1937-2017 Oroimenetik-Askatasunera' lelopean hainbat ekitaldi antolatu dituzte, eta manifestu bat aurkeztu dute.

Arabako Alea @ArabakoALEA
2017ko martxoaren 28a
Azazetako 16 hildakoen omenezko plaka.

Ekimenaren barruan, besteak beste, erakusketa bat, hitzaldi bat, dokumental baten proiekzioa eta ekitaldi politiko bat antolatu dituzte. Dagoeneko inauguratu dute Hala Bedi Tabernan Condor Legioa Euskal Herrian izenburuko erakusketa; apirilaren 2ra arte ikusgai egongo da. Halaber, hitzaldia izango da bihar, M3Memoria gunean, 19:00etatik aurrera Los otros Gernikas tituluarekin. Asteazkenean, 19:00etan, Markak izeneko dokumentala aurkeztuko dute, Oihaneder Euskararen Etxean, eta amaitzeko, apirilaren 2an, 12:30ean ekitaldi politikoa egingo dute Gasteizko Plaza Berrian.

Halaber, Gernikako Txoriak egin duen deialdiarekin bat egiteko deia egin dute ekimenaren antolatzaileek, "Euskal Herri osoko herritarrei bonbardaketaren 80. urteurrenaren harira, antolatutako ekimenetan parte hartzera animatzen zaituztegu, bereziki, apirilaren 16an Gernikan egingo den Aberri Egunean eta apirilaren 26an antolatu diren ekitaldietara". 

Gernikako bonbardaketa eta Azazetako sarraskiaren 80. urteurrenaren harira, hainbat lagun ezagunek sinaturiko manifestua aurkeztu dute ere. "80 urte igaro direnean, –aipatzen dute sinatzaileek– suntsitu nahi zuten herriak zutik dirau. Hemengo herritarren borondatea, hitza eta erabakia muga bakarra izanik guk geuk inolako kanpoko eskuhartzerik gabe, gure etorkizuna marrazteari eta gure nazioa antolatzeari ekingo diogu. Ez izan zalantzarik". Sinatzaileen artean daude Pablo Gorostiaga, Mikel Urdangarin, Karmele Jaio, Eloi Beato, Iñaki Betagarri, Eneko Espino, Triku Villabella edo Iñaki Martin.

Ekitaldi instituzionala apirilaren 1ean

Gasteizko Udalak, Arabako Foru Aldundiak, Arabako Batzar Nagusiek eta tokiko instituzioek omenaldia egingo diete larunbat honetan, apirilak 1ean, Azazetan hildako 16 lagunei, sarraski frankista horren 80. urteurrena dela eta. Iñigo Urkullu lehendakaria buru izango duen ekitaldi honen asmoa da Araban frankismoak eragin zituen biktima guztiak ere oroitzea.

Albiste hau Arabako Aleak argitaratu du eta CC-by-sa lizentziari esker ekarri dugu ARGIAra

Kanal hauetan artxibatua: Oroimen historikoa  |  Araba  |  Gernika 1937

Oroimen historikoa kanaletik interesatuko zaizu...
2018-04-22 | Lander Arretxea
Maria Arnal
"Diskurtso baten bidez azaldu ezin dena komunikatzeko balio du musikak"

Gezurra badirudi ere, ez dira urte asko itzultzaile lana utzi eta kantatzen ikastea erabaki zuela. Marcel Bagés eta bere gitarra lagun, 45 cerebros y un corazón LP txalotu bezain saritua kaleratu zuen iaz. Bira etengabean ari dira geroztik. Leioan eskaini duten kontzertuaren aurretik elkartu gara solasaldirako.


Frankismoan eta Gerra Zibilean hil zituzten 307 iruindar gogoratu dituzte

307 iruindar hil zituzten eta hilaren 12an omenaldia egin diete Iruñeko San Jose hilerrian. Omenezko plaka jarri dute herritar horiek gogoratzeko.


2018-04-10 | Goiena
Intxortako erresistentzia gogora ekartzeko ekitaldi sorta Elgetan

Elgetako Udalak Intxorta 1937 Kultur Elkartearekin elkarlanean bi asteko egitaraua gertatu du Intxortako erresistentziaren 81. urteurrena aldarrikatzeko. Aurten, aldaketa nabarmenena da lubakietan egin izan den borrokaldien errekreazioaren ordez Elgetaren gainbehera izeneko antzezlana egingo dutela herritarrek.


2018-03-25 | Saioa Baleztena
Meršona Puig Antich. Memoriaren zaindari
"Duela 44 urteko minak bere horretan jarraitzen du"

1974an Bartzelonako Model espetxean frankismoak exekutatu zuen Salvador Puig Antichen arreba da Merçona (Bartzelona, 1961). Hamahiru urte bertzerik ez zituenean murgildu zen, Carme, Imma, eta Montse ahizpekin batera, inpunitatearen kontrako borroka astunean, gaurko egunera arte. Anaia hil zuten tokian egin dugu elkarrizketa.


2018-03-23 | ARGIA
Gerra Zibiletik itzuli ez dizkioten jabetzak eskatu dizkio CNT sindikatuak Jaurlaritzari

Ostiral honetan 81 urte bete dira Eusko Jaurlaritzak CNT sindikatuko egunkariaren errotatiba bahitu zuenetik. Efemeridearekin bat eginez, sindikatuak gogora ekarri du 40 urte daramatzatela Gerra Zibilean kendu zizkieten ondasunak berreskuratzeko eskatzen.


2018-03-23 | Uztarria
34 urte igarota ere, Pasaiako segadan gertatutakoa gogoan

Martxoaren 22an, Pasaiako segadaren 34. urteurrena izan da. 34 urte bete dira Espainiako Poliziak Komando Autonomo Antikapitalistetako Dionisio Aizpuru Kurro eta Pedro Mari Isart Pelitxo azpeitiarrak, eta Rafael Delas Txapas eta Jose Maria Isidro Izura Pelu iruindarrak hil zituela Pasaiako badian.


Pasaiako segadaren auzia berraztertzea baztertu du Estrasburgoko Giza Eskubideen Auzitegiak

Iragan otsailaren 15ean Estrasburgoko Giza Eskubideen auzitegiak Pasaiako segadaren helegitea bertan behera uztea erabaki zuten, ikerketa faltagatik. Biktimen familiek jarri zuten salaketa.


2018-03-14 | Lander Arbelaitz
Zeinen eskulturak dauzkagu kaleetan?

Orain gutxi Bartzelonan estatua bat kendu dute. Antonio Lopez izeneko gizon baten omenez jarria zen. Ameriketatik aberastuta etorri eta hiriko ekonomiari bultzada handia eman omen zion. Kontua da, eragile ugarik diotela, arrazista galanta izateaz gain, esklabu salerosketan ibili zela.


15.340 egun justizia eske

Pasa den larunbatean 42 urte bete dira sarraskia gertatu zenetik. Espainiako Poliziak 1976ko martxoaren 3ko greba orokorrean egin zituen 2.000 tiroek bost lagun hil eta 150 zauritu zituen.


Ondarretako kartzela
MULTIMEDIA - erreportajea

1888an egin zuten Donostiako Ondarretako kartzela. Mota guztietako presoak bildu zituen, baina 1931z geroztik preso politikoz bete zen. 1936ko gerran milaka lagun espetxeratu zituzten han. Horietako asko torturatu eta, gutxienez 600, kartzelatik atera eta fusilatu egin zituzten 1948ra bitartean.


Azkenak
EGILEA
Eguneraketa berriak daude