1.800 pertsona baino gehiago bizi dira kalean EAEn
Eusko Jaurlaritzak eta EAEko hamar udalek egin dute ikerketa. Urriaren 29ko gauean egin zuten zenbaketa eta kalean bizi diren 1.836 pertsona zenbatu dituzte egoera horretan.
Bizkaia, Gipuzkoako eta Arabako hamar udalerritan egin zuten ikerketa Berria egunkariak jaso duenez: Bilbon, Donostian, Gasteizen, Barakaldon, Getxon, Portugaleten, Santurtzin, Sestaon, Laudion eta Irunen. EAEko biztanleen %53 bizi da hiri horietan. 1.836 lagun horietatik 323 zeuden kalean, gainerakoak berriz gizarte zerbitzuen egoitzetan.
Zenbatutako horien %75 inguru gizonezkoak ziren. Kalean aurkitutako gizonezkoen ehunekoa altuagoa da, %87,6. 1.836 pertsona horien artetik, %10 adingabea zela ere ikusi da ikerketan. Urrian jardunaldi batzuk egingo dira Bilbon ikerketaren datuetan sakontzeko.
Pobreziaren eta gizarte-bazterketaren kontrako Nafarroako sarearen arabera, Nafarroan bizi diren pertsonen %17,2 bazterketa edo pobrezia egoeran dago.
Ipar Euskal Herriko biztanleriaren %12 pobrezian bizi da. Hori dio INSEE Frantziako estatistika institutuak iragan urrian egindako ikerketa batek. Horrek erran nahi du gure lurraldeko 35.000 herritar 1.102 euro azpiko hilabete sariarekin bizi direla.
Diru-Sarrerak Bermatzeko Errentaren legea martxoan onartu zuen Eusko Jaurlaritzak, eta bertan aurreikusitako neurrietako bat jarri dute orain martxan: 19 ikuskatzailek osatutako Kontrol Unitatea, Lanbideren baitan. Iruzurrik apenas dagoen prestazioaren bueltan pobreak... [+]
Nafarroako Gobernuak pobreziari eta desberdinketa sozialari buruzko zazpigarren txostena kaleratu berri du. Datuak adierazgarriak dira: Erriberako herriek pobrezia arrisku handiagoa dute, %40 iparraldeko herriek %10. 2021ean urtean 12.000 euro jasotzen zituzten herritarrak... [+]