1.500 lagunek egin dute bat Eusko monetarekin
Urtarril amaieran plazaratu zen Eusko izeneko moneta alternatiboa Ipar Euskal Herrian eta 800 lagunek egin zuten bat ekimenarekin. Kopuru hori ia bikoiztea lortu dute denbora gutxian: 1.500 dira dagoeneko bazkide.
Euskoaren sustatzaileek euren webgunean herritarrak animatu dituzte, ingurukoak proiektuan sarraraz ditzaten “zenbat eta gehiago izan orduan eta eraikitzailegoa izanen baita euskoa”.
Tokiko ekonomia sustatzeko asmoarekin plazaratu dute Euskoa. Xebax Christyk eta Mendi Estebanek ARGIAn azaldu zuten moduan, “tokiko enpresen arteko harremanak lantzea” da proiektuaren xedeetako bat, baita euskara sustatzea eta ingurumena zaintzea ere.
Webguneko “kidetzen naiz” atala erabiliz edonor egin daiteke Euskoaren erabiltzaile. Proiektuan beste modu batean engaiatzeko aukera ere badago, Baionan daukan egoitzatik pasata.
Informazio gehiago:
Moneta alternatiboari buruzko albisteak eta bideoak aurkituko dituzu ARGIAk Euskoari eskaini dion kanalean.
Euskal Monetak garapen handia ezagutu du azken urteotan Ipar Euskal Herrian. Europako tokiko moneta indartsuena bilakatu da. Sortu zenetik, Hego Euskal Herrira hedatzeko asmoa integratu zen proiektuan. Mugaz gaindiko tokiko moneta osagarri baten sortzea lantzen hasia da Euskal... [+]
Biarritzen egin dute larunbatean Eusko Elkarteen Eguna. Guztira 69.672 euro banatu dituzte tokiko moneta babesten duten elkarteen artean. AEK izan da iaztik gehien hazi den elkartea, 2.531 eusko jasota.
Apirilaren 15ean, larunbatean, Ezpeletan, tokiko monetaren besta herrikoi handia iragan zen: Eusko Eguna. Hiru urtez falta izan ondoan, azkenean, Eusko Eguna berriz antolatu ahal izan genuen. Gainera, aurten, Euskoaren hamargarren urtebetetzea ospatzen ari gara! Horregatik, egun... [+]
Europako tokiko monetarik handiena bilakatu da Euskoa 10 urtetako ibilbidean. "Elkartasuna sustatu eta lurraldea pentsatzeko boterea berreskuratzeko" tresna izatea da Euskal Monetaren asmoa.
Eusko monetaren "% 3ko emaitza" baliabideari esker, orotara 61.281 eusko emanak izan dira 58 elkarte hartzaileri. Tokiko monetaren izaera solidarioa berresten da errekor berri honekin; izan ere, iazko 50.540 euroak aise gainditu dira aurten.