Donostia, Europako Kultur Hiriburua 2016 Hautagaitza egitasmoaren baitan, Olatutalka jaialdia egingo da apirilaren 23tik 25era bitartean. Herritarrek proposatutako 69 ekimen parte-hartzaile antolatuko dituzte: dantza eta musika emanaldiak, poesia eta ipuin errezitaldiak, bideo proiekzioak... Egitarauaren barruan, 1.000 kantarik eta 400 musikarik Beethoven-en Alaitasunaren oda eskainiko dute Donostiako udaletxearen aurrealdean, apirilaren 25ean.