110 gaztek Euskal Herria zeharkatuko dute euskararen erabilera aktibatzea helburu dutela
EuskarAbentura du izena egitasmoak eta uztailean ia 500 kilometro egingo dituzte oinez Done Jakue bideak erabiliz. Egitasmoak euskara du ardatz eta euskal ondarea ezagutzeko geldialdiak egingo dituzte.
16-17 urteko gazteak prest dira uztailaren 1ean espedizioan parte hartzeko. Argazkia: EuskarAbentura.
16 eta 17 urteko 110 gazte dira, Euskal Herrikoak eta diasporakoak. Euskararekin lotutako lan bat aurkeztu behar izan zuten hautaprobetan parte hartu ahal izateko. Uztailaren 1ean EuskarAbentura espedizioa Maule-Lextarretik abiatuko da. Uztailaren 31n Getxon bukatuko dute.
Beñat Garaio eta Ane Pedruzo EuskarAbentura egitasmoaren sortzaileetakoei egindako elkarrizketa ekainaren 24ko ARGIAn irakur dezakezue.