Abisu horia ezarri du Eusko Jaurlaritzako Larrialdiei Aurre Egiteko eta Meteorologiako Zuzendaritzak EAEn. Astelehen gauetik asteazkenerarte izango da indarrean abisua, ordura arte espero direlako haize zakarrenak. Nafarroan eta Ipar Euskal Herrian abisu laranja ezarrita dago, 100km/orenetik gorako haize boladak espero dira, astearte gauetik asteazkenerarte.

Nafarroan ezarritako alerta laranja asteazkeneko gauerdi-arte egongo da indarrean, isurialde atlantikoa eta Pirineoetan, 80km/orduko boladak espero baitituzte. 12:00etatik aurrera, Nafarroa erdialdean ordea, 120km/orduko haize boladak aurreikusten dituzte. Lapurdi, Nafarroa Beherea eta Zuberoan Asteazken goiza arte dute alerta finkaturik.

Euskalmet-en arabera, haizeak hego-ekialdetik joko du, eta eraginik handiera EAEko mendialdeetan eta haize lekuetan izango du, Gipuzkoa eta Arabako ekialdean batik bat. Eguneko lehen zatietan orduko 100 kilometrotik gorako haizeak izango baditugu ere, arratsalde aldera, haizea gehiago zakartu daiteke eta orduko 110-120 kilometroko boladak izan ditzakegu Araba eta Gipuzkoan. Bizkaian berriz, 80-90 bitartekoak.

Euskalmetek jakinarazi du, ostegunean hegoaldeko haize ahulak besterik ez direla ibiliko.