AEBek piloturik gabeko abioiak edo droneak erabili dituzte azken hamarkadan talibanei eta Al Qaedako kideei eraso egiteko, Afganistanen, Pakistanen eta Yemenen batik bat.

2015erako Afganistanen dagoen soldadu kopurua 10.000tik jaitsi daitekeela adierazi du AEBetako Etxe Zuriak. 2011n 100.000 soldadu estatu batuar zeuden, eta gaur egun 33.000 inguru daude, Reutersen arabera.

Barack Obama AEBetako presidenteak adierazi duenez 2014ak izan beharko luke Guantanamo itxi eta Afganistandik militarrak ateratzeko urtea. “Etengabeko guda egoeratik aldendu beharko lirateke AEBak”, azaldu du presidenteak.

Hamid Karzai Afganistango presidenteak emakumeen eskubideak murriztuko lituzkeen legea babestu du hauteskundeen atarian. Nazio Batuen Erakundeak atzo adierazi zuenez, legeak senarrak nahi duenean sexu harremanak izatera behartuko lituzke eta baimena beharko lukete kalera irteteko. Gobernuak ez du oraindik dokumentu ofizialik argitaratu.

Michael Sheehan-ek, AEBetako Operazio Berezietarako Defentsaren alboko idazkariak, Zerbitzu Armatuen Batzordeari adierazi dionez, Pentagonoak ez dauka duela 12 urte hasitako atzerriko borroka bertan behera uzteko asmorik.

AEBen Kubako Guantanamo basean gutxienez 21 preso daude gose greban duela zenbait egunetatik, uharteko zenbait hedabidek argitaratu dutenez. Tratu txar fisiko eta psikologikoak pairatzeagatik eta, batez ere, euren erlijio ezberdintasuna errespetatzen ez duten erasoengatik ari dira protestan.

Gutxienez 54 herrialdek babestu zuten CIAk 2001eko irailaren 11ko erasoen ondoren abiatu zuen "bahiketa, atxiloketa eta tortura operazio globala", Open Society Justice Initiative (OSJI) erakundeak plazaratutako txostenaren arabera.